春夏黑超情報

作為潮人，點可以冇一副黑超傍身？究竟咩框襯咩面形？咩鏡片襯咩色的太陽眼鏡最有型？其實只要謹記以下揀超法則：方面配圓框、圓面配超大方框、心形面配起角貓眼框、鵝蛋面襯任何框都得，就唔會買錯鏡款。再睇埋今日為大家送上的最新流行情報，要入手心水靚超迎春夏話咁易。

KAREN WALKER黃色框太陽眼鏡 $2,400（A）

首選防紫外線鏡片

戴太陽眼鏡除了可以扮Cool外，最大作用當然是遮擋太陽、保護靈魂之窗。因此，選購時要留意鏡片是否有效阻隔70%~90%的光線，避免紫外線對眼睛造成損害。一般而言，灰、墨綠或茶色鏡片都有效過濾紫外線，至於看似浮誇的水銀鏡片，不僅賣款賣型格，更可以大幅度減少有害光線進入眼睛，特別適合長時間暴露於猛烈陽光下或喜歡戶外運動的朋友。今季的水銀鏡片款式，顏色選擇由普遍的銀色到金、紫、藍等色調都有，更可配襯大方框、圓框、貓眼框及眉框等設計，最適合要款又要型的你。

鏡框更精「彩」

俘虜不少時裝人的彩色框太陽眼鏡，今季有更多顏色選擇；由紅、橙、黃到綠都有，「色色」俱備，總之要幾Sharp有幾Sharp；部分設計更玩埋透明素材，甚至運用顏色框配水銀鏡片，大大提升搶眼度。即使朝早趕住出門口，又沒有時間化妝，只要戴上一副色框太陽眼鏡遮一遮就掂晒！

KAREN WALKER水銀鏡片太陽眼鏡未定價（A）	Le Specs LUXE白色眉框×水銀鏡片太陽眼鏡 $990（C）	HOUSE OF HOLLAND粉藍色方框太陽眼鏡 $650（D）
FOR ART'S SAKE金色水銀鏡片太陽眼鏡 $1,850（E）	HOUSE OF HOLLAND粉藍色水銀鏡片太陽眼鏡 $800（D）	FOR ART'S SAKE紫色水銀鏡片太陽眼鏡 $1,850（E）
KAREN WALKER綠色方框×銀色水銀鏡片太陽眼鏡 $2,500（A）	FOR ART'S SAKE藍色水銀鏡片太陽眼鏡 $1,820（E）	KAREN WALKER灰色眉框×銀色水銀鏡片太陽眼鏡 $2,500（A）
stephane+christian粉藍色太陽眼鏡 1,590（B）	stephane+christian黃×白色圖案框太陽眼鏡 $1,690（B）	HOUSE OF HOLLAND粉紅色粗框太陽眼鏡 $650（D）
Le Specs磨沙黃色框太陽眼鏡 $580（C）	Le Specs橙色框太陽眼鏡 $490（C）	stephane+christian紫×綠色圖案框太陽眼鏡 $1,590（B）