印度佬Yoga Flame噴火發聲

《街霸》遊戲內嘅印度佬，手長腳長又識噴火，有時真係打到起火。不過由本地玩具商BigBoysToys開發嘅Q版印度佬，不僅令人火氣全消，仲好想擁有佢，皆因它加入電子元素，一按地台右下角的按鍵，即可令印度佬嘴前火球發光，兼且播出Yoga Flame聲效，有聲又有畫。而主體以PVC及ABS物料混合製造，光頭Look、四肢、肌肉、手環以至骷髏頭頸鏈全部立體化呈現出來，而且塗裝出色，令人勾番起唔少打機回憶。配件則包括背景地台、角色資料卡等，若然送埋長手長腳換件，造型肯定更傳神！