國家地理Earth Day Run下月開跑

「第二屆國家地理Earth Day Run」又嚟喇，賽事將於4月9日，喺烏溪沙青年新村及馬鞍山海濱長廊舉行，比賽分為男、女子10公里個人挑戰賽、10公里企業挑戰賽、10公里Fun Run、3公里企業挑戰賽及3公里Fun Run/Walk等路程，大家要留意是各項賽事已經開始咗報名，個人組別的報名費為$380，款項將全數撥捐「惜食堂」，幫助社會上需要食物援助的人士。另一方面，今個月大會還有兩場（3月23日及30日）免費賽前訓練畀參加者報名，每節限50人，詳情可瀏覽官方網站http://natgeorunhk.com/2017/hkg/。