Mid藍牙耳機30小時長氣播歌

玩開音樂嘅Band友，肯定聽過Marshall大名，廠方近年積極推出耳機和喇叭等產品，最新作有Mid耳罩式藍牙耳機，外形加入自家經典設計，包括黑色皮料、金屬鉸位和黃銅細節。音色方面則支援aptX技術，能演繹出媲美CD音色，更有低延遲、高同步的優點，試聽時發覺人聲和樂器聲富有層次，尤其是低音下潛得夠深，啱晒用嚟聽搖滾樂或流行曲。另一特點係設有控制旋鈕，可以調校音量、通話、播放及暫停等，操控相當方便。而且它比一般無線耳機更長氣，能夠連續聽歌30小時以上，唔夠電時可以接駁3.5mm插口繼續聽歌，或者可以畀你駁另一隻耳機共享音樂。