新井優子唔認輸去到盡

近年影壇有好多星二代湧現,姑且唔好評論佢哋係咪靠父母而比人更快上位,事實上佢哋的確有努力過同奮鬥過。喺日本寫真界亦有女承母業嘅例子,同時亦有姊妹二人俱是寫真女郎,而可愛迷人嘅新井優子同妹妹就兵分兩路,一個拍寫真,一個拍電影,為咗勝過妹妹,優子下定決心去到盡!

婀娜白皙

小弟近年去過幾次日本旅行及公幹,除咗吃喝玩樂,仲會四圍欣賞當地嘅美人兒啦!見過咁多日本女仔,發現佢哋真係各走極端,我嘅意思係指膚色上面,好多日本女仔都肌膚白皙,但係亦有刻意將肌膚曬到黝黑嘅涉谷系美人。以小弟個人喜好嚟講,覺得肌膚白雪雪嘅女仔較為吸引,如果大家都係咁諗,肌膚甚具透明感嘅新井優子就肯定合你心水喇。

26歲嘅新井優子五官標致,面上帶點姣味亦不失青春嬌美,雖然左眼偏向內斜,但問題唔係咁大。優子身材婀娜,腰幼而上圍生有一對斤両十足嘅D奶,睇落曲線誘人,最重要係本身天生麗質,一身肌膚光滑又雪白,直接為胴體加分,令吸引力比好多巨乳尤物更強。

風格大膽

優子喺16歲嘅時候已經展開模特兒生涯,主要工作地點係位於大阪日本橋嘅Model Cafe Pasha,直至2012年優子推出第一部寫真映像作品《Green Canvas》,正式進軍寫真界。以寫真女郎身份奮鬥咗兩年,優子嘅努力終於得到回報,喺「TSUTAYA公主2014」比賽中奪得冠軍寶座。不過,優子嘅事業都唔係話一帆風順,佢早前喺Twitter透露自己就係有村架純嘅家姐,而有村架純正係現時日本影視界當紅青春女星。消息一出,好多人都感到驚訝,繼而有人惡言相向,話優子利用妹妹嘅名氣增加自己嘅知名度。對此優子感到十分無奈,事後佢作出正面回應,話會更加積極拍寫真,要做出好成績,憑個人努力證明自己唔會輸畀妹妹。果然,優子嘅演出風格愈來愈大膽、愈來愈具挑逗性,喺養眼度方面大大勝過走清純玉女路線嘅妹妹。

社交網站

簡介:新井優子經常喺Twitter發布新消息,除咗有關拍攝寫真工作之外,亦有好多優子遊山玩水、吃喝玩樂嘅情況,從相片中可以見到佢玩得不知幾開心。

網址:http://twitter.com/araiyukoyan2

新井優子Profile

年齡:26歲

身高:5呎4吋

三圍:34D-23-33

撰文:賢