C7 Pro Vs Nokia 6雙卡新寵擂台戰

近來各手機廠都未有大動作，似乎要等待下周Mobile World Congress才公布旗艦機王，令到市場焦點落在一眾中階機款身上。要數最多人討論嘅一定係Samsung與Nokia兩大品牌，前者乘着Galaxy C系人氣加推C7 Pro，後者以硬淨見稱嘅Nokia 6回歸，無論價位與功能都接近，一於設下擂台以3回合決勝負！
C7 Pro備有5.7吋Super AMOLED屏幕，較前作C9 Pro嘅6吋芒稍細。售價：$3,398（a）<br>Nokia 6搭載5.5吋屏幕，備有全高清解像度。售價：$2,780（b）
C7 Pro備有5.7吋Super AMOLED屏幕，較前作C9 Pro嘅6吋芒稍細。售價：$3,398（a）
Nokia 6搭載5.5吋屏幕，備有全高清解像度。售價：$2,780（b）

5.7吋C7 Pro 孖生兄弟

自Note 7事件沉寂咗一排嘅Samsung，上年底推出中階機款C9 Pro，憑藉大芒、大電兼中港全網通雙卡功能大受歡迎。今個月輪到孖生兄弟C7 Pro登場，改用5.7吋屏幕及Snapdragon 626八核心處理器，功能接近之餘，定價平幾百蚊，難怪行貨剛開賣即惹來熱烈討論。

5.5吋Nokia 6 硬淨回歸

Nokia由以往嘅手機界龍頭，到銷聲匿迹一段日子。最近正式以Nokia 6「重出江湖」，雖然此機年初於內地開賣，但未賣街已經有幾十萬人預訂，至今內地網購平台仍然缺貨，連帶中港台都出現炒價，全因廠方以硬淨5.5吋芒為賣點，配以Android 7.0系統，魅力沒法擋！

C7 Pro的兩個nanoSIM卡槽均支援4G網絡。
  • C7 Pro的兩個nanoSIM卡槽均支援4G網絡。
C7 Pro喇叭設於機面聽筒及機底位置，另改用USB Type-C介面。
  • C7 Pro喇叭設於機面聽筒及機底位置，另改用USB Type-C介面。
Nokia 6雖然可插入兩張nanoSIM卡，但只有SIM 1卡槽對應4G網絡。
  • Nokia 6雖然可插入兩張nanoSIM卡，但只有SIM 1卡槽對應4G網絡。
Nokia 6機底設有喇叭，播放聲效時機面聽筒亦會變為喇叭同步發聲。
  • Nokia 6機底設有喇叭，播放聲效時機面聽筒亦會變為喇叭同步發聲。

Round 1：大芒鬥外形

C7 Pro和Nokia 6同屬三千元左右的中階手機，均用上金屬機身設計，當中5.7吋芒嘅C7 Pro承襲Galaxy系列嘅弧邊圓角設計，雖然外形熟口熟面，但在傳統金色和粉紅金色外，引進全新深藍配色，觀感時尚。至於5.5吋屏幕嘅Nokia 6只有黑色一款配色，但2.5D機面弧形玻璃配以拋光銀邊，拎上手有幾分當年Lumia手機嘅感覺。值得一提係機身做工紮實，內地網民試過用部機嚟碎核桃，機身依然絲毫無損，延續硬淨傳統。

C7 Pro全金屬機背除了金和粉紅金色，更引入全新深藍色。
  • C7 Pro全金屬機背除了金和粉紅金色，更引入全新深藍色。
Win<br>Nokia 6金屬黑色機背頗易黏上指紋，不過勝在機身硬淨。
  • Win
    Nokia 6金屬黑色機背頗易黏上指紋，不過勝在機身硬淨。

Round 2：拍攝鬥質素

今時今日手機嘅影相質素相當重要，無獨有偶兩機嘅主鏡頭均備有1,600萬像素，C7 Pro擁有F1.9光圈，Nokia 6則支援F2.0光圈。實際試拍時，發現Nokia 6僅內置HDR、全景及0~20級美膚功能，幸好白平衡準確，成像細緻度不俗。C7 Pro的功能較齊全，支援HDR、全景、專業、夜間、食物等模式及一系列即時濾鏡，而且對焦快、測光準，只是色彩飽和度有點濃。

DRAW<br>C7 Pro於拍攝介面由左向右一掃就可轉換自動、專業等模式。
  • DRAW
    C7 Pro於拍攝介面由左向右一掃就可轉換自動、專業等模式。
C7 Pro試相區：日光下拍攝，對焦速度快，而且測光準確。
  • C7 Pro試相區：日光下拍攝，對焦速度快，而且測光準確。
Nokia 6拍攝介面較簡單，提供全景、美膚、HDR功能。
  • Nokia 6拍攝介面較簡單，提供全景、美膚、HDR功能。
Nokia 6試相區：成像顏色較自然，細緻度、散景都有水準。
  • Nokia 6試相區：成像顏色較自然，細緻度、散景都有水準。

Round 3：功能鬥特別

規格上，兩機同樣內置4GB RAM及64GB ROM，並支援雙卡雙待功能，可插入兩張nanoSIM卡，兼容中港3G及4G網絡，適合經常往返內地嘅用家。只是Nokia 6搭載Snapdragon 430八核心處理器，C7 Pro改用Snapdragon 626八核心處理器，後者效能上有優勢。特別功能方面，C7 Pro備有Always On Display及安全資料夾，前者可於待機時顯示時鐘及通知，以後毋須經常着芒睇資訊；後者可將文件和相片程式加密，而且支援雙開功能。至於Nokia 6雖然預載最新嘅Android 7.0系統，但改用自家介面後，好多原生Android功能例如畫面分割等被抽走，較特別是加入動作操控，包括搖機轉歌、手機靠近耳朵自動接聽電話等。

Win<br>C7 Pro備有Always On Display，待機時可顯示時鐘等基本資訊。
  • Win
    C7 Pro備有Always On Display，待機時可顯示時鐘等基本資訊。
Nokia 6內置「動作設定」，手機靠近耳朵即接聽電話或撥號。
  • Nokia 6內置「動作設定」，手機靠近耳朵即接聽電話或撥號。
三禾電氣店長Simon
  • 三禾電氣店長Simon

專家點揀：三禾電氣店長Simon：「Nokia 6贏新鮮感！」

「如果要二揀一的話，我會選擇Nokia 6。雖然佢嘅硬件規格比C7 Pro弱少少，但引入2.5D弧形玻璃相當靚仔，加上自己對諾記有情意結。反觀Galaxy C系列部部機都差唔多樣子，新鮮感欠奉。唯一問題係Nokia 6現階段只有內地版，未能預載Google服務，暫時亦未有破解。期待香港有行貨登場之餘，仲可以出埋傳聞中嘅Nokia 8旗艦機款。」

C7 Pro規格表

制式：GSM、WCDMA、TD-SCDMA、FDD-LTE、TDD-LTE

處理器：Qualcomm Snapdragon 626八核心

記憶體：4GB RAM、64GB ROM、支援microSD

屏幕：5.7吋Super AMOLED（1,920×1,080解像度）

鏡頭：（前置）1,600萬像素、（後置）1,600萬像素

對外連接：Wi-Fi、藍牙、USB Type-C、NFC

作業系統：Android 6.0

電池容量：3,300mAh

體積：156.6×77.2×7mm

重量：172g

Nokia 6規格表

制式：GSM、WCDMA、TD-SCDMA、FDD-LTE、TDD-LTE

處理器：Qualcomm Snapdragon 430八核心

記憶體：4GB RAM、64GB ROM、支援microSD

屏幕：5.5吋（1,920×1,080解像度）

鏡頭：（前置）800萬像素、（後置）1,600萬像素

對外連接：Wi-Fi、藍牙、microUSB

作業系統：Android 7.0

電池容量：3,000mAh

體積：154×75.8×7.85mm

重量：167g

撰文：林子聰

攝影：胡振文

查詢電話：（a）3698 4698、（b）2374 0618