PowerUp FPV摺紙啟航

唔少人細個都玩過紙飛機，一張紙便能夠為孩童帶來無窮樂趣，不過用紙摺出嚟嘅飛機，單靠手拋出去滑翔而行，飛行距離始終有限。全新PowerUp FPV將紙飛機元素結合到航拍機，可拍攝VGA影像之餘，仲能夠玩埋FPV第一身視點飛行，大人細路都啱玩。
售價：$1,780
售價：$1,780

10分鐘空中盤旋

打開PowerUp FPV盒內會見到8張專用紙，上面印有圖案和虛線，玩家只要沿着虛線摺或者上網（www.poweruptoys.com）睇摺紙教學，便可摺到適合嘅機型。所謂嘅專用紙，其實只係普通畫紙，所以就算用晒或撞爛晒，都可以用一般A3紙張代替。動力方面，跟機附有機架連螺旋槳，機架採用耐用嘅碳纖和尼龍物料製造，機頭則加入防撞軟膠，就算降落時直接炒落地面都唔怕。由於機身機翼全是紙材，故全機重量僅80g，配以550mAh電池續航力有近10分鐘，畀各位享受航拍樂趣。

跟機附有8張印有圖案和虛線嘅專用紙，可摺成航拍機身和機翼。
  • 跟機附有8張印有圖案和虛線嘅專用紙，可摺成航拍機身和機翼。
機架以碳纖和尼龍物料打造，硬度夠高又耐撞。
  • 機架以碳纖和尼龍物料打造，硬度夠高又耐撞。
設有VGA鏡頭，能夠以人手調校180度前後轉向。
  • 設有VGA鏡頭，能夠以人手調校180度前後轉向。

180度轉向鏡頭

雖然PowerUp FPV嘅定位係玩具，但機身都設有鏡頭，能夠以人手調校180度前後轉向，換言之影住機頭或機尾方向都冇問題，而且鏡頭能夠拍攝VGA（640×480解像度）影片和相片，再將影像記錄至microSD記憶卡，不過大家唔好對畫質期望太高。此外，機身可透過Wi-Fi連接手機，接收範圍約100米左右，飛行速度最高可達每小時32公里，速度都幾快。

550mAh電池大約可持續飛行10分鐘。
  • 550mAh電池大約可持續飛行10分鐘。
紙飛機本身冇動力，要靠機架嘅兩個螺旋槳推動。
  • 紙飛機本身冇動力，要靠機架嘅兩個螺旋槳推動。
備有microSD卡槽記錄相片和影片，下方microUSB插口則可用來充電。
  • 備有microSD卡槽記錄相片和影片，下方microUSB插口則可用來充電。

頭部體感操控

此機另一賣點係附有紙製Cardboard眼罩，各位只要配對《PowerUp FPV》手機App，即可顯示實時畫面，而且可透過內置VR模式大玩FPV第一身視覺效果。最過癮係無人機會根據Cardboard內嘅手機作體感移動，只要你個頭向上下左右擺動，無人機就會跟住轉向。就算唔用VR模式，玩家亦可將手機拎上手，撥動畫面嘅虛擬撥桿操控。有一點要留意，由於PowerUp FPV唔識得喺空中懸停，只會不斷向前飛或盤旋，建議去空曠嘅地方先好玩。

主要利用機架底部裝置夾實紙飛機。
  • 主要利用機架底部裝置夾實紙飛機。
試片區<br>鏡頭只能夠影到VGA影像，雖然質素唔算高，但線條都幾實淨，畫面輪廓睇得清楚，顏色亦見豐富。
  • 試片區
    鏡頭只能夠影到VGA影像，雖然質素唔算高，但線條都幾實淨，畫面輪廓睇得清楚，顏色亦見豐富。
除了一般機型，玩家亦可以發揮創意，以唔同紙張摺出多種紙飛機模樣。
  • 除了一般機型，玩家亦可以發揮創意，以唔同紙張摺出多種紙飛機模樣。
跟機附送Cardboard眼罩，配合手機App《PowerUp FPV》，可以VR模式玩體感操控。
  • 跟機附送Cardboard眼罩，配合手機App《PowerUp FPV》，可以VR模式玩體感操控。

規格表

拍攝畫質：最高VGA（影片）、最高30萬像素（相片）

電池容量︰550mAh

飛行時間：約10分鐘

重量︰80g

撰文：黎子豪

攝影：張群生

查詢電話：3148 9455