新年肥胖後遺症 SIXPAD幫你踢走肚腩

農曆新年大家都食咗唔少肥膩嘢，唔想肚腩愈長愈大，是時候做運動Keep Fit了。想擁有好似球星C朗拿度的6舊腹肌，其實都唔係好難，今次請來健身教練Karl教大家點用SIXPAD Abs Fit訓練儀器，配合低負荷的動作去鍛煉腹肌，幫你輕鬆踢走肚腩。

健身教練 Karl Cheung

電流刺激運動肌肉

減肚腩當然要做運動，平時我們做運動的時候，肌肉會根據大腦發送的信號進行收縮和放鬆的肌肉運動；而SIXPAD Abs Fit就採用EMS（Electrical Muscle Stimulation肌肉鍛煉技術），用電流去刺激肌肉，直接向肌肉傳達信號，促使肌肉運動。市面上也出現過類似的產品，效果卻未如理想，原因是一般採用的頻率過高，結果肌肉無法完成整個收縮及放鬆程序。而SIXPAD Abs Fit採用的肌肉鍛煉頻率為20Hz，即使經過一段時間也可保持肌肉張力；同時能夠增加肌肉的含量，當肌肉的含量增加，新陳代謝就會提升，亦代表能消耗較多的熱量，猶如助你啟動脂肪燃燒循環系統，塑造結實的身體線條。

肌肉鍛煉融入生活

Abs Fit外形輕巧纖薄，加上無線設計，即使做家務、讀書、睇電視時都可以使用，隨時隨地進行肌肉訓練。儀器預設好23分鐘的肌肉鍛煉程式，運動強度會隨時間而逐漸提升，程式結束後電源會自動關閉。程式共設有1至15度的訓練頻率，可因應個人身體負荷選擇體感強度，初用者建議由低度數開始，適應後就可慢慢將度數提升。想達到最佳收腹效果，同時配合低負荷的動作進行鍛煉，但切勿進行高度帶氧運動，否則會令肌肉過度勞損，帶來反效果。此外亦要配合均衡飲食，身體線條就會變得更緊緻苗條。