Aibao無人機招財進寶食金幣

大年初一乜都要講意頭，估唔到連無人機都應節上市，Walkera全新Aibao四軸無人機，除咗可以拍攝4K@25p影片，讓各位神采「飛」揚行大運，最過癮係引進AR擴增實境技術，內有遊戲帶玩家飛上天空食虛擬金幣，喺新年滿有招財進寶之意。

金玉滿堂添財氣

Aibao最大賣點係植入AR擴增實境技術，玩家只需透過手機的《Aibao Go》App連接航拍機，即可玩盡內裏的AR遊戲，當中最過癮可說是收集模式，玩家需要喺指定時間內，以第一身收集天空嘅虛擬金幣和福袋，完成目標就可以進入下一關，畫面嘅右上角會有雷達提示玩家金幣所在位置，適合航拍初哥練習基本操控。

一路發財玩穿越

若然想追求速度感，另一競速模式就啱晒你，遊戲會顯示一條由框架和圓圈組成嘅虛擬賽道，玩家要於限時內到達終點，唔好以為玩法好簡單，因為賽道時高時低，稍有偏差撞框就會扣減HP能源，需要有一定操控技術先玩得掂。建議玩家盡量保持一定高度，若然飛得太低有機會與畫面障礙物重疊而影響進度。

花開富貴鬥空戰

至於第3款AR遊戲戰鬥模式，畫面會變成駕駛艙，玩家需要擊落四周穿插嘅虛擬戰機而獲得分數，畫面亦會提示各位敵機位置。同時玩家受到攻擊時會扣減HP血量，過程相當刺激。遊戲嘅好處係唔使飛來飛去，只需調校上下左右和轉向角度，就能夠將敵機打低。

收集模式食金幣<br>收集模式玩法是於指定時間內收集虛擬金幣和福袋，同時有雷達提示位置。

收集模式食金幣
收集模式玩法是於指定時間內收集虛擬金幣和福袋，同時有雷達提示位置。

穿越模式鬥衝線<br>穿越模式提供一條虛擬賽道，玩家要在限時內衝過終點，不小心撞框會扣HP。

穿越模式鬥衝線
穿越模式提供一條虛擬賽道，玩家要在限時內衝過終點，不小心撞框會扣HP。

戰鬥模式搶高分
戰鬥模式令畫面化身成為駕駛艙，以擊落虛擬戰機獲取分數。

支援4K@25p拍片

唔好以為Aibao淨係用嚟玩遊戲，它作為航拍機能拍攝4K@25p影片和1,600萬像素相片，不過鏡頭冇得調校角度，只可拍攝前方景物。幸好用家只需安裝iOS手機App《Walkera Drone》，即可用到環繞飛行、航點規劃等智能模式，接收範圍可達1.5公里咁遠。要挑剔嘅係佢嘅續航力只有18分鐘左右，加上玩家打機時會專注望實個芒，唔知部機飛咗去邊，建議去空曠嘅地方先好玩。

Aibao接收範圍達1.5公里，實試飛行時相當穩定。	鏡頭支援4K@25p拍片和1,600萬像素影相，可視角度有100度。	電池提供5,200mAh電量，不過只夠飛行約18分鐘。
旁邊設有microSD卡槽，建議使用高速及大容量記憶卡記錄4K影像。	遙控器具備一鍵起飛、一鍵降落、一鍵返航等功能。	試片區 4K影片的質素相當銳利，連遠處樓宇和樹木都睇得到，顏色亦夠鮮艷，由於Aibao本身不設雲台，所以拍片時影像會有點搖晃。