紐約泡泡屋 樓頂開派對

歐美不少地方的天台酒吧都係夏季或秋季限定，試問冬天凍冰冰邊個會幫襯？美國紐約著名天台酒吧230 Fifth決定搞搞新意思，撤走以往的型格餐桌，變身成4個貌似北極圈冰屋造型的玻璃屋。外形夠晒煞食的拱形玻璃屋，雖然外表似冰屋，但一啲都唔凍，特設暖爐，夠晒細心暖笠笠。每個玻璃屋可容納11人，天寒地凍同一班Friend在紐約高樓邊隊啤食花生，一邊欣賞美景，消磨成晚都唔驚凍。齊齊做天幕下的友人，邊個話聯群結隊浪漫唔到（口架）？