Swing變種四軸機X形翱翔

73g輕盈結構

Swing重量只有73g極之輕巧，方便隨身帶住周圍玩，佢之所咁輕全因四隻機翼使用發泡膠物料製造，所以各位放機時建議去較空曠位置，以減低撞機風險。幸好機底設有超聲波感應器測定高度，提升懸停和降落的穩定性。同時備有30萬像素鏡頭，不過鏡頭嘅主要用途並唔係影相或拍片，而係以16微秒速率記錄影像，再對比上一張影像來判定機身速度。

時速最高30km/h

作為遙控無人機玩具，Swing最好玩嘅地方係能夠於空中變換形態，起飛和降落時使用螺旋槳向上的四軸模式（Quad Mode），能夠玩到左右轉、迴旋等花式。另內建三軸加速計，只要於四軸模式飛行時加速，機身就會逐步傾斜變成定翼模式（Plane Mode），而且有3種速度可以切換，最高時速可達30km/h。而定翼模式跟一般遙控飛機一樣，只會不停地飛，要急停的話便要切換回四軸模式。

當加速時會變為螺旋槳向前嘅定翼模式，速度可達每小時30公里咁快。	前方備有兩盞指示燈，主要用作顯示連線、電量等狀態。	機翼用上發泡膠物料和塑膠支架，感覺有點脆弱。

附送Flypad遙控器

操控方面，跟機附送Flypad遙控器，可透過藍芽連接手機App《FreeFlight mini》，配以操控桿控制。使用Flypad遙控器嘅好處是本身設有4個按鍵預設花式，同時玩家可自訂指令，接收範圍達60米咁遠。至於用App能設定飛行高度、傾斜角度、旋轉速度，玩家可按自己的技術進行微調。機身則採用550mAh鋰電池，可持續飛行約8分鐘，續航力算是一般，建議帶多一兩枚電池去玩至夠過癮。

底部備有超聲波感應器及30萬像素鏡頭，分別用作定高和測速。	採用550mAh鋰電池，可持續飛行8分鐘左右。	跟機附有Flypad遙控器，能夠夾上智能手機監察飛行時間和電量。遙控器下方的4個按鍵預設了4種花式，亦可自訂其他指令。
測試區 30萬像素鏡頭主要用嚟測速，拍攝時冇乜質素可言，只係影到景物嘅輪廓。

同場加映：Mambo加裝機械爪及炮台

其實除咗Swing之外，廠方同期另有一款Mambo無人機，機身大概只有手掌咁細，特別在附有兩款配件供安裝，其中一件係機械爪，能夠夾起細小物件，例如可夾張紙仔傳情達意；另一件係能夠射出BB彈嘅炮台，一次過能夠填裝6枚BB彈，射程有2米咁遠，由於有一定殺傷力，所以玩時要特別小心。值得留意，Mambo本身冇跟遙控器，可額外購買Flypad遙控器，或者用《FreeFlight mini》App操控。

機械爪能夠夾到4g或以下物件，例如夾張紙仔傳情達意。 售價：$948

炮台可以裝上6枚BB彈，畀大家練習射擊，不過玩時要小心。

撰文：黎子豪

攝影：陳世昌

查詢電話：2736 1733