女神都Like！F7玩雙開

貪靚係女人天性，除咗自己要扮到靚一靚，隨身物品一樣要靚；正因如此，主打女士手機嘅法國品牌SUGAR才能脫穎而出。近日推出的新型號F7，標誌性ZIRCONIA人工寶石當然唔少得，最吸引係加入「雙開」功能，一部手機裝兩個WhatsApp同時通訊，人氣女神Lilian Kan和Vivi Tam就勁Buy，絲打點睇呢？

人氣女神Lilian Kan（右）及Vivi Tam（左）最愛F7的「雙開」功能，可以同時兩邊通訊！

20枚閃石金屬機身

SUGAR手機向來賣樣，總是全機鑲滿寶石，新型號F7相對低調一點，20枚ZIRCONIA人工寶石只集中於鏡頭旁，雖然數量大減，但燈光下依然閃閃生輝！機身一如以往用航空級鎂鋁合金打造，並於機背兩邊加入弧形曲線，單手操控舒適自在。顏色有香檳金、玫瑰金兩色，不過小記認為後者再Pink一點會更好。

SUGAR F7 售價︰$2,598<br>5.2吋IPS全高清屏幕，配以Android 6.0系統。

SUGAR F7 售價︰$2,598
5.2吋IPS全高清屏幕，配以Android 6.0系統。

附送Windows Cover、透明機套、耳機及粉紅色火牛。

鏡頭旁鑲有20枚ZIRCONIA人工寶石，Bling Bling搶眼。

影相防盜社交雙開

雖屬Lady's Phone，但新機加入不少創意功能，如可用不同手指按壓指紋鎖，以開啟聯絡人、相機或facebook等相應功能。另內置「App Lock」及「雙開助手」，前者會於撳錯密碼時拍下使用者容貌，藉此通知真正用家有人曾經盜用；後者則能同時安裝兩個社交帳號，例如WhatsApp、Line及WeChat等。Lilian Kan和Vivi Tam話這功能方便她們分開工作及私人帳號，以便同客戶及粉絲交流咁話。

可插雙SIM卡並支援microSD卡擴充容量。

「雙開助手」可同時登入兩組社交帳號，例如WhatsApp、WeChat等。

「App Lock」為程式加鎖，按錯密碼時會拍下使用者容貌。

機王規格極速對焦

針對自拍需要，新機配備800萬像素前置鏡頭及1,300萬像素後置鏡頭，支援0.2秒極速對焦及一鍵美顏功能。實測所見對焦超快，只嫌美顏有點過火，幸好拍攝前後皆可微調執相。其他規格亦有驚喜，如1.4GHz八核心處理器、4GB RAM及64GB ROM，加上5.2吋1,080p屏幕及中港全網通，定價卻是二千多元，性價比超高！