元朗歎美式熱狗

世事無絕對，上月元朗戲院附近有間熱狗店Hotdog Brothers開張，帶來9款即叫即製美式熱狗，口味包括招牌兄弟熱狗、BBQ手撕烤豬、火辣墨西哥、黑松露通粉、芝士六重咒、森林奶油、秘製啤酒肉醬、千島夏威夷以及經典美式，全部落足料炮製，賣相極有睇頭。為了令熱狗鬆軟又香噴噴，兩位年輕老闆Alan和Toby會先為整個麵包掃上牛油。至於熱狗腸，他們揀選了雞肉腸、芝士腸與紐倫堡腸3種款式，墨西哥與黑松露通粉熱狗就配紐倫堡腸、芝士六重咒當然配芝士腸，其餘款式則用雞肉腸。另一個不得不提的賣點是熱狗可以帶入戲院慢慢歎，方便大家食好啲。

在美國長大的Toby（左）曾於當地的餐廳打工，回流後即與老友Alan（右）開店賣熱狗。	黑松露通粉熱狗 $48 混合了法式風味，餡料有蘑菇、芝士與黑松露白汁，人氣口味之一。	（前）芝士六重咒 $46、（後）火辣墨西哥 $48 前者用了車打、水牛、帕爾馬、芝士腸、芝士醬及埃文達6款芝士炮製；後者則主要有雞絲及香辣番茄汁，惹味香口。

查詢電話：9383 8371

撰文：楊雅菁

攝影：張群生