紀嘉文實測vívoactive HR跑Track更輕型

踏入暑假，人人都想以最Fit狀態示人，所以縱然大汗疊細汗，運動場依然逼滿跑友。本地長跑好手兼教練紀嘉文係其中之一，平日最重視訓練效果的他，會戴Garmin fenix 3智能運動錶來監察數據，今次搵佢測試以輕盈實用為賣點嘅vívoactive HR，他試完後即話：「好輕！最啱用嚟跑Track！」

紀嘉文表示：「vívoactive HR好輕！最啱用嚟跑Track！」<br>售價：$2,299

紀嘉文表示：「vívoactive HR好輕！最啱用嚟跑Track！」
售價：$2,299

男女都啱戴

美國品牌Garmin近年成功轉型，以運動穿戴式裝置開闢新血路。當中fenix 3更被不少專業跑手垂青。5年前已利用智能Gadgets輔助訓練的紀嘉文便是用家之一，不過他認為傳統智能錶功能雖然強勁，但外形始終有點笨重，平時練習還是建議選擇較輕盈的款式。最新的vívoactive HR正合佢要求，僅47.6g重、1.14cm厚，戴上後感覺恍如無物，而且長形設計貼手唔刮肉，加上錶帶孔達27個之多，男女或細路都啱戴！

篤芒睇資訊

vívoactive HR的錶底植入心率感測器，可直接讀取手腕皮膚下的心率資訊，再按此推算出卡路里消耗量、休息時間及加強訓練時間，比慣常箍於胸前的心跳帶方便得多。紀嘉文指跑步經常要擺手，拿着手機好唔方便，此錶內建205×148解像度彩色屏幕，毋須接駁手機，輕輕一撥即能睇到時間、心跳、步數及平均速度等，跑步時大可飛走手機。較可惜是手錶屏幕偏暗，夜跑可能睇得較辛苦。

長形彩色屏幕睇得清楚，配以擁有27個錶孔的錶帶，男女都啱戴。	紀嘉文5年前已利用Gadgets來輔助練習，他指出數據準確性相當重要，建議用家反覆測試。	支援篤芒操控，手指向下撥就睇到時間、天氣及運動量。
錶底設有心率感測器，毋須太貼肉都量度得到。

支援多項運動

GPS是紀嘉文重視的功能：「若智能手錶有GPS，就可隨時隨地計算距離同速度，跑街都啱用！」vívoactive HR的GPS能記錄多種運動，諸如跑步、單車、游泳、高爾夫、滑雪、划艇等，滑雪模式更可透過傾斜與經緯度計算出速度和距離，用途廣泛。此錶其他功能包括樓層統計、睡眠監測及線上挑戰等，並可接駁手機顯示來電及短訊。電量方面，手錶模式最長可用8天，GPS模式則達13小時，用來跑馬拉松綽綽有餘。

能記錄跑步、游泳、滑雪、划艇等多種運動。	圖表化顯示數據，容易閱讀。	提供天氣預報，方便出發前做足準備。
援接駁手機顯示來電及短訊，中文都顯示得到。	同步至手機程式《Garmin Connect Mobile》後，資料更詳盡。