心思健康菜餵飽有營PaPa

Happy Father's Day！今天作為父親的應該充滿期待與快樂，作為子女的就相當頭痕，要氹嚴父一笑何其艱巨！唔緊要，今次找來兩位年輕媒體廚師（Media Chef）Hilda梁雅琳及Elvis陳浩然教大家炮製健康靚餸氹爸爸，兩位更不約而同地揀選了能幫助降膽固醇、保護心血管的牛油果來做食材，分別烹調出蝦沙律及素食墨西哥卷，讓爸爸食得健康又有營。

Hilda和Elvis都是着重健康飲食的新一代，為爸爸下廚當然也會健康為先。

水果入饌甜蜜蜜

Hilda的父親雖然長年不在香港，但她深知爸爸從事飲食業多年，對飲食素有要求，為父下廚自然不敢怠慢，選用優質健康食材炮製出黑松露虎蝦鮮果意粉沙律。這道輕盈清新的菜式，炎夏食用特別解悶醒胃，亦適合對飲食較節制、主張食得輕盈一點的爸爸。這道菜貫徹Hilda愛以水果入饌的個人特色，她認為每種水果的香甜味道均是獨一無二，既可以醒胃，又予人甜蜜幸福感覺。她是次選用了時令新鮮的杧果及牛油果，貪牛油果質感Creamy軟腍，能與各類Pasta搭配，伴爽口彈牙的虎蝦更添可口。

黑松露虎蝦鮮果意粉沙律	黑松露虎蝦鮮果意粉沙律材料	做法：螺絲粉放入滾水內煮熟，盛起，浸冰水備用。
虎蝦放入滾水內灼約1分鐘，盛起，浸冰水備用。	將牛油果及杧果去皮去核切粒備用；紫椰菜、甘筍去皮切幼條備用。	螺絲粉和虎蝦瀝乾水後，加入杧果粒、牛油果粒、紫椰菜絲、甘筍絲、黑松露醬、沙律醬、岩鹽和黑胡椒拌勻即成。

Hilda教路，牛油果要夠深色（近黑色），以按下去感到少許軟身剛熟者最佳。

材料：

三色螺絲粉 150g

虎蝦 5隻

杧果 1個

牛油果 1個

紫椰菜 1/8個

甘筍半條

黑松露醬 1湯匙

沙律醬 3~4湯匙

岩鹽少許

黑胡椒少許

自家製心機醬料

Elvis在網絡上有「素食達人」之稱，父子倆均是素食者，亦同時是烹飪高手，他爸爸愛中式家常菜，而Elvis則偏好西方飲食，眼見爸爸漸漸對西餐也有興趣，他就想到用墨西哥蔬菜卷伴兩款自家調製醬料，為爸爸炮製細膩豐富西式輕食。Elvis用上含不飽和脂肪酸、高纖維的牛油果配幼滑忌廉芝士和酸香黑醋等炮製成牛油果忌廉芝士醬，同時選用鷹嘴豆伴味噌、芝麻醬和黑松露製作出黑松露鷹嘴豆泥，啱晒重口味的爸爸。當然，未必個個爸爸都愛黑松露的香氣，Elvis就建議以茄子蓉或紅菜頭蓉等來替代，食味清新又健康。

墨西哥蔬菜卷配牛油果忌廉芝士醬或黑松露鷹嘴豆泥	墨西哥蔬菜卷配牛油果忌廉芝士醬或黑松露鷹嘴豆泥材料	做法：把「牛油果忌廉芝士醬」全部材料放入攪拌機拌勻，備用。
將「黑松露鷹嘴豆泥」材料（除黑松露醬、甜椒粉、番荽碎外）放入攪拌機拌勻，將黑松露醬、甜椒粉、番荽碎鋪面備用。	牛油果去皮去核切條、三色椒及番茄切條備用。用白鑊細火輕煎餅皮約1分鐘至略變色。	用餅皮包住牛油果條、三色椒條及番茄條，捲起，斜刀於中間切開成兩件，即可蘸不同醬料品嘗。