親身試首爾影樓韓式美圖

問了數個留韓工作假期和哈韓的朋友，認為去韓國有甚麼是必做的，結果他們竟然異口同聲說:「影證件相！」聽到他們興奮賣力「Hard Sell」，聲稱無人影完會唔滿意之後，就知道箇中一定有難以想像的吸引力，非去不可了！記者這次在韓國年輕人熱門集中地隨意找一間不用預約的中低價普通影樓，睇睇係咪真係咁堅？！

韓國人好鍾意影相，一班朋友約埋去影樓可以玩足一日。

100蚊5分鐘搞掂

有去過韓國的朋友，應會發現韓國人普遍十分喜歡影相，更很重視影證件相這回事。要在首爾找影樓並不困難，尤其在大學社區，例如梨大、弘大等區域，而影證件相價錢一般由最便宜約1萬韓圜（約HK$70）起跳，貴至十數萬韓圜也有，豐儉由人。

今次記者在年輕人集中地梨大的街頭，看見一間只需要1.5萬韓圜（約HK$100）、就可以收到有24張證件相的小店，門口只有一個易拉架，需要行一層落地牢，毫不起眼，不過有中英文字明碼實價，看來做慣外國人生意。這間小店有點殘舊，影樓面積只是約400多平方呎，麻雀雖小但五臟俱全，跟其他大公司一樣，有齊白恤衫、黑西裝褸等提供，而且還有齊化妝品給女士補妝，男士都同樣照顧周到，有髮泥噴髮膠等，方便顧客在拍照前可以整理吓一頭亂髮，化妝間仲有幾塊超大全身鏡任你照爆鏡。

女士可使用影樓的化妝品即時補妝。	韓國人喜歡拍照，閒時都會約朋友去影樓玩吓。	影樓有齊中英文字明碼實價。
客人可隨意使用梳妝台上的物品。	男士同樣受到照顧，有髮泥噴髮膠等可用。	若對證件相沒興趣，亦可選擇借韓服拍照。

攝影器材夠架勢

甫坐低在攝影棚已經夠驚訝，竟然有3塊反光板包圍住你，抬頭仲有2塊用來反射燈光，都未夠！身後還有一大塊反光板再加射燈，單看器材已經令你充滿信心，這種規模的證件相攝影棚在本港已經買少見少。接着攝影師快手地於1分鐘多的時間內，已經幫你「咔嚓」了十多張相，途中會不停「幫眼」，提醒你瀏海有無亂、有無駝背、衣領有無歪等，很細心。而且笑得耐笑容都會僵埋，分分鐘變「黑面」，所以一分鐘搞掂剛剛好。

梨大一帶地區域，四處都有影樓。

攝影師示範神速執相。

平時在香港拍照後，一般要離開等數小時才可取相，但在韓國通常都會即時在你面前執相，未開口攝影師已「自動波」以神速技巧執相，衣服歪掉、頭毛彈出、滿臉暗粒，都有辦法「執正」。或許他們都做慣做熟，知道客人大概有甚麼需要，故我都沒特意要求再執，當然如果你有要求可以提出，他們一般不會拒絕。最令人覺得認真的地方是，他執完首輪會先印一張出來，查看實物效果，然後再執，最終會執出兩款供客人選擇。

Doorae Studio

地址: 首爾市大峴洞56-60號地下一層

收費：價錢W15,000（約HK$100）

交通：梨大站2號出口行約5分鐘

如這樣的反光板陣容在韓國很普遍。

結論：遊客送多款快靚正

韓國攝影師較滿意把我皮膚變白、下巴變尖、五官收窄那張；惟我自己則喜歡執得較自然那張。執相後，可以立即印刷，攝影師知道我是遊客，更會特別多送數款不同尺寸的照片，另外還可免費寄送副本到電郵留底。雖然店面寫需時10分鐘，但其實整個過程5分鐘已完成，認真「快靚正」!

免費借走韓服周圍去

隨着韓國旅遊業愈來愈旺盛，遊客要找到免費借韓服的地方並不難，不過通常都只可「Hea」幾分鐘，站在布景板前隨便拍數張照片後，便要速速歸還，直至上月，大家終於有個新選擇了！

小女孩似乎對穿上韓服的自己感到新奇。

有孝順仔為穿上韓服的母親拍照。

無論是現代風，還是華麗高貴款的韓服都任君選擇。

剛剛新開幕不久的首爾旅遊資訊中心K-Style Hub，提供免費借韓服的服務，重點是提供的韓服款式眾多，由現代簡約風到古典華麗、高級一點的韓服都有。而且罕有地只要放低護照，便可以借走韓服，跑到室外到處逛。怕1小時太短影不到靚相?其實K-Style Hub樓下對開一步之遙，便已經是知名觀光景點清溪川，在河流旁帶點古色古香味道，十分適合拍韓服照呢！記者當日在場所見，借韓服的遊客絡繹不絕，九成以上均為港人，故建議大家早上去才會有更多韓服選擇。