BMW X1 sDrive18d柴油瓣瓣抵

寶馬（BMW）輸港的柴油車停不了，無論是大、中、細車，Saloon定SUV都有柴油型號供應，不久前才抵港的全新X1，柴油版本近日亦已登陸本港！全新BMW X1 sDrive18d是市場上唯一以柴油驅動的小型SAV，擁有極佳的燃油效率，4.3~4.5L/100km的超低油耗水平加上柴油價格的優勢，行1km唔使5毫子，代理開出的車價更意想不到在$37萬內，瓣瓣都咁抵，睇你仲點忍！

BMW X1 sDrive18d 售價：$369,900

扭力強啱香港道路

開柴油車除咗油平之外仲有咩好？就是大扭力了。今次測試的X1 sDrive18d是柴油X1的入門型號，與早前推出的X1 sDrive20i比較，車價相若，前者馬力細啲、但扭力大啲，如果喺本港路面用、又經常要負載或上大斜坡，低轉高扭力的柴油版本就更切合需要。X1 sDrive18d的最大扭力達到330Nm，而且可早於1,750rpm釋放出來，在平路以日常的駕駛方式加油，轉速提升不到1,000rpm已升檔，如非大腳油，大部分時間都能保持在1,200~2,200rpm之間行車，油耗低兼可長期在高扭力範圍內行駛，開起來又怎會不爽？同時，引擎導入最新的可變幾何渦輪技術及2,000bar共軌直噴燃油噴射科技，讓綜合油耗控制在4.3~4.5L/100km的水平，足以媲美Hybrid車。

加大車體空間更佳

今代X1比上代「發福」不少，話雖是BMW的入門SAV，不過從外觀及整體設備來看，仍然是不折不扣的豪華車種，車廂空間再沒有過往的逼仄，作為駕駛者也好、乘客也好，頭頂及肩膊空間都十分充裕，嫌上代X1太細架，全新「F48」世代可滿足了嗎？空間運用也有多種變化，後座不但可作40:20:40獨立摺疊，甚至可以60:40比例前後移動，可調幅度達到13cm，需要更多載物空間可將座椅移前，想坐得舒適就移後，左邊前、右邊後亦得，想點就點。同時，後座配備一按摺疊椅背功能，毋須費力便可將椅背向前傾倒，輕易便可打造出接近平坦的地台，擺放大型運動裝備變得沒有難度。

車上設有雙區恒溫冷氣，左右冷暖可獨立調校。	後排空間較上代闊落，而且設有獨立送風口。	後座可作40:20:40獨立摺疊，載物空間最大可擴展至1,550L。
首批X1 sDrive18d附送天幕天窗，出車就要加快行動。	柴油引擎的扭力輸出強勁，而且非常慳油。

前驅布局慳油實際

X1 sDrive18d與X1 sDrive20i同樣採用前驅布局，雖然在崎嶇野路的通過性能不及四驅版，但好處是可提升燃油效益，反正在市區甚少用得着四驅，車身更輕、油耗更低的前驅版其實更實際。另一方面，X1 sDrive18d的Driving Experience Control預載了ECO PRO、Comfort及Sport等3個模式，節能或動態的駕駛表現，駕駛者可按心情隨時切換。其餘標準配備還包括雙區恒溫系統、附設6.5吋屏幕的iDrive、全LED頭燈及雨點感應水撥等，首批更會送天幕天窗及防爆輪胎，$369,900的售價實在令人難以抗拒。