Sesame飛甩鎖匙！手機芝麻開門

開鎖佬呢個職業，完全係為大頭蝦而設，若果各位唔記得帶鎖匙出街，開鎖佬就有生意。不過，佢哋可能好快失業，事關喺Kickstarter集資到過百萬美元嘅智能鎖Sesame，近日正式抵港開賣，安裝後只要篤一下手機便能控制門鎖開關。最正係可設定開鎖權限，朋友或家人嚟到屋企都可立即芝麻開門！

Sesame售價：$1,650 /各<br>體積：84×99×42mm<br>重量：130.4g

Sesame售價：$1,650 /各
體積：84×99×42mm
重量：130.4g

安裝簡單

Sesame去年於Kickstarter曝光，發表短短數天已達成集資目標，最後籌得超過140萬美元。驟眼睇，它有點似一個扭動計時器，以高強度Kevlar物料打造，體積只有半隻手掌大，並提供黑、白、金、銀、粉紅色選擇，外觀比一般智能鎖討好得多。其安裝亦相當容易，兼容絕大部分單缸門栓，只要撕下機背無痕膠貼，再套於門栓上即可，將傳統鎖頭變成智能門鎖！

電池夠用500天

用家只需要喺手機安裝專用App，再透過藍芽4.0或Wi-Fi與智能鎖連接，篤一篤開鎖圖示，Sesame便會帶動門栓轉動，小記試用時發覺篤芒與開鎖幾乎同步進行。至於各位最關心嘅安全和電量問題，它支援軍用級AES 256-bit及TLS 1.2加密技術，並以兩枚CR123A電池驅動，足夠使用500天，仲識得提示用家換電。

外殼以Kevlar物料打造，備有多色選擇，當中以香檳金色最搶眼。

Sesame以內部膠扣帶動門栓轉動，跟機附送兩個膠扣以應付不同門栓。

兼容任何單缸門栓，篤一篤手機屏幕圖案，Sesame便會同步開鎖。

暗號開門

其另一好處係用番傳統鎖匙都一樣開到門，就算大頭蝦到鎖匙和手機都唔記得帶，只要用朋友嘅手機下載App，再登錄閣下帳戶即可「芝麻開門」！用戶還可向指定對象發出臨時開鎖權限，並設定開鎖日期及時限；而每次出入紀錄都會儲存於App內，以便監察。據代理表示，Sesame日後可更新升級，例如透過特別敲門方式，又或者暗號「Open Sesame」來開鎖，令人期待。