日本藝能界有好多陣容龐大嘅美少女團體，好似大家都熟悉嘅AKB48，亦有乃木板46、HKT48、SKE48等。團體每年都培育不少優質又青春無敵嘅新人，近期相信係HKT48成員朝長美櫻最出色，呢位妹妹仔究竟咩魅力呢？即刻同大家一齊睇睇！
正所謂唔怕生壞命，最怕改錯名，一個人嘅名字真係足以影響一生。咁點先算係一個好名呢？小弟認為最重要就係可以凸顯出個人嘅長處，好似新紮美少女偶像朝長美櫻咁，四個字都足以反映出阿妹本身嘅特點。
剛踏入18歲嘅朝長美櫻青春活潑，可愛得嚟成個人都充滿朝氣，男人見到佢一定朝氣勃勃！阿妹個子唔高，不過就有一個顯而易見嘅長處，就係心口對F奶脹卜卜，輕輕一夾就出現長長嘅乳溝來。佢面圓圓，五官唔算特別標致，之但係展露笑容時甜美無比，猶如鮮花綻放一樣迷人。朝長美櫻貴為正宗福岡人，能夠同佢扯上關係嘅就梗係代表大和民族嘅櫻花啦！所以話，朝長美櫻認真無改錯名，而大家亦要記住阿妹個名，因為佢真係前途無可限量。
朝長美櫻喺2012年參加AKB48分支團體HKT48嘅拔選活動，成功成為第二期成員，憑住優良表現而經常獲委以重任，負責為團隊登台獻唱，喺2013年一次猜拳大賽中，更獲師姐指原莉乃點名支持，後來仲兼任埋AKB48 Team B嘅成員，可見美櫻大有前途。
除咗台上表現亮眼，美櫻喺團隊中亦相當好人緣，據聞每次隊友因為綵排、工作太繁忙而身心疲乏，美櫻都會為佢哋打氣，大家一見到佢嘅甜美笑容以及一雙腰果眼，就即刻朝氣再現，渾身是勁。由於美櫻甚得大家歡心，於是公司委任佢做HKT48嘅宣傳部長，團隊嘅宣傳工作交畀佢搞。事實上，美櫻喺團隊當中以及個人方面嘅發展可謂後發先至，事關同屬HKT48嘅宮脇咲良以及兒玉遙早過美櫻成名，但係美櫻憑努力以及誘人身材，家陣已經爬過佢哋頭，受關注度相當高！
年齡：18歲
身高：5呎1吋
三圍：32F-24-34
簡介：想留意朝長美櫻嘅最新動向，咁就一定要Click上佢嘅社交網站喇，阿妹幾乎每一日都會將自己嘅最新消息喺上面發布，唔想走雞就要睇實佢喇！
網址：https://plus.google.com/113498563179644571221/posts
撰文：賢