CHANEL ROUGE COCO ON TOUR香港站免費入場

音樂和化妝品到底有咩關係？早前，一段由CHANEL官方發布的“Play with your Style”音樂影片在網上瘋狂流傳，片中3名女子所組成的Coco's Band着到好Rock，化晒靚妝，搽晒品牌的Le Vernis紅色甲油，仲用Rouge Coco Stylo柔潤亮彩唇膏筆代替鼓棍，真係想玩埋一份。剛過去的4月，品牌於日本東京表參道舉行首站的「Rouge Coco On Tour」音樂巡迴展，而第2站已移師到香港，由即日至6月5日在銅鑼灣FASHION WALK京士頓街2~4號向外開放（開放時間：11:00am~10:00pm），最正就係1蚊都唔使畀，就可以入內試吓新色化妝品及玩埋紋身、自拍、聽歌仔、夾下Band，兼且仲有禮品送。記者率先試玩過，極力推介畀大家。