韓風新景象 BROWNBREATH & BLCbrand
曾幾何時，潮人都鍾意着到大黑大白好Loud造型去模仿韓星衣着，但近兩季韓風造型明顯大不如前，咁係咪代表韓風沒落？又唔係嘅，只係現時韓國時裝品牌唔會再單一玩浮誇造型搶收視，換來係相對易襯易着的新世代韓風打扮。由4位設計好友合力打造的韓國潮牌BROWNBREATH，風格便以當下主流的街頭風格作主打，於首爾明洞、弘大及新沙洞等地擁有9間直營店，品牌以「Spread The Message」為宗旨，希望透過設計將4人對現有制度的想法及源自青春期的叛逆一一反映於系列當中。
春夏系列玩字句
今個春夏系列以「Steady Pace」為概念，運用黑白灰藍色呼應主題，同時更將「Spread The Message」及「Spread」等字句穿插於系列當中成為主打設計，而剪裁方面則以寬鬆為主，並推出帽及襪子等畀你襯埋一套。此外，品牌也有推出副線BLCbrand的單品，它除了主打背囊外，更提供斜(子貝)袋、手挽袋及手提電腦袋等選擇，設計全部以大容量為賣點，除日常使用外，亦足以應付戶外郊遊及出門旅行的需要。順帶一提，品牌於首爾弘大分店2樓開設了一間名為「Word Coffee」的咖啡店，去開韓國可以去朝聖，買衫順便歎杯啡。
撰文：賴文曦
查詢電話：2771 2320
