帶住Mommy去旅行日韓賞花熱點
想趁住母親節，請含辛茹苦、知慳識儉嘅母親大人去旅行，又唔想背負「大花筒」呢個天下子女無法擺脫嘅莫須有罪名，食、買、玩呢類燒錢行程當然可免則免，但阿媽始終唔係鐵人，上山下海挑戰體能更冇可能，唔想帶住矛盾去旅行，咁樣點算好？一於去日本和韓國賞花啦！母親節前夕，日韓兩地均有主題賞花熱點，到時幫阿媽影多幾張靚相，順便補多幾句人比花嬌之類嘅說話，保證佢笑逐顏開！
日本地點就腳賞紫藤
4月尾至5月初是紫藤盛開季節，東京跟大阪兩大城市均有就腳賞藤地點。位處東京都江東區的龜戶天神社，有「東京第一賞藤勝地」之稱，仿唐庭院內種了超過100棵紫藤，除可於日間觀賞，花季期間亦會參考夜櫻增設燈光效果，各位只要校啱角度，便可一次過將紫藤花跟東京晴空塔攝於鏡頭內。
至於大阪的賞藤地點名叫信達宿之野田藤，是位於泉南市的私人宅邸，每年只限於紫藤花季開放，雖然只種有一棵樹齡超過30年的巨型野田藤，但藤棚覆蓋面積超過800平方呎，壯觀程度絕不遜於其他賞藤熱點。
龜戶天神社
地址︰東京都江東區龜戶3丁目6-1
日期︰4月下旬至5月上旬
網址︰http://kameidotenjin.or.jp
信達宿之野田藤
地址︰大阪府泉南市信達牧野1338
日期︰4月下旬至5月上旬
網址︰www.jcmo.zaq.ne.jp/azuking
韓國鬱金香花海
另一港人旅遊熱點韓國，也是母親節賞花的絕佳勝地。位於忠清南道泰安郡南面的申溫里自然世界，由4月中至5月初舉辦名列世界五大鬱金香節之一的「泰安鬱金香節」，讓遊客感受置身300多種、共120萬株鬱金香之中的震撼，今年花節以「畫家們的庭園」為主題，以不同顏色的鬱金香砌出《蒙娜麗莎的微笑》等名畫，入夜後更會亮起LED燈點綴，噱頭十足。除了各種顏色的鬱金香，同場還有羽扇豆、百合、油菜花等各種花卉，另有傳統民俗體驗等，讓各位與母親大人陶醉於花花世界之中。
泰安鬱金香節
地址：忠清南道泰安郡南面申溫里自然世界
日期：由即日起至5月8日
網址：www.ffestival.co.kr
TRAVEL NOTES
簽證：持有效特區護照或BNO均毋須簽證
機票：香港來回東京機票$2,607起，來回大阪機票$1,860起，來回首爾機票$1,860起
貨幣：￥100約兌HK$7.2、10,000韓圜約兌HK$68
天氣：5月日本氣溫約14℃~24℃、5月韓國氣溫約13℃~23℃
撰文：吳倩瑩