上港台電視節目，講辦公室生存之道，其中一條問題問到：老闆未放工，你作為員工，會點做？
3個答案：A、老闆唔走，自己都唔走，繼續工作；B、橫掂老闆未走，於是留喺公司做自己嘢；C、理得佢幾時走，自己工作做完就自己走。
我的答案是C，但其實又不止於C。
很多年前，我已留意到有些同事明明做完手頭工作，卻因為老闆未放工，於是自己就摸下呢樣摸下嗰樣，行嚟行去扮做嘢，直至老闆離開公司，他們才立刻跟着放工。
我有無可救藥的病態反叛，愈看到這些情境，我就愈想把自己在他們當中區分出來。如果情況許可的話，我會逼自己盡快完成手頭工作，然後，理得老闆幾點走，總之我準時放工。如果餘下的工作只須自行以電腦完成，而不需要跟同事合作的話，我甚至寧願把工作帶回家完成，也不願在公司多留1秒。
我這樣做，除了因為「包拗頸」之外，還因為我清楚知道，大家都誤會了，上司或老闆，從來都不會用一個人是否努力加班來評定他的能力，而是以實際的工作表現來給予評價的。要是你的工作做得一塌糊塗，你每天做足24小時也沒有人會欣賞。相反，你工作表現非常好，唔返公司都無所謂添。
別再做蠢豬，還是把心力留在工作上，扮OT，留給演藝人士吧，你再有演藝天分，在辦公室也是沒用武之地的。
網址：www.facebook.com/linrixi