Pool Bowling騎呢變種男女喜愛玩球

近排香港體壇都算勁，先有「Cue后」吳安儀衞冕女子全英桌球錦標賽，再有「保齡天王」胡兆康喺保齡球世界盃中奪冠。真正嘅「碌齡」同「篤波」或者唔夠佢哋嚟，不如試吓變種玩意Pool Bowling，讓玩家企喺2.5×5米特製桌球枱上，以打保齡球方式撞波入洞。若果將來能成為運動項目，話唔定下一個體壇新星就係你！

特製保齡球足足有10磅重，碌唔到可以推波o架！

外國節目啟發

Pool Bowling結合了保齡球和桌球元素，全港暫時只有位於觀塘的Player11有得玩。負責人Andy表示：「其實之前見到韓國綜藝節目《Running Man》和美國節目《The Tonight Show Starring Jimmy Fallon》，佢哋玩Pool Bowling既刺激又過癮，所以率先引入香港。」

Pool Bowling枱面會擺放6個保齡球，包括印上號碼的3個實色波和3個間條波。「由於遊戲以撞球入洞方式進行，所以每個保齡球足足有10磅重，令撞擊力較大和襟撞啲，否則個波太輕會好易撞爛。另要注意保齡球不設手指插孔，碌保齡方式改以雙手推動或滾動為主，咁樣男女老幼都玩得到。」

保齡球冇插入手指的小洞，需要雙手拎起碌出去。

Player11負責人Andy指出，女仔多數鍾意玩Pool Bowling，因為唔需要好高技巧，而且好快玩完一局。

Player11負責人Andy指出，女仔多數鍾意玩Pool Bowling，因為唔需要好高技巧，而且好快玩完一局。

Pool Bowling會喺2.5×5米特製桌球枱進行，枱邊用上防撞膠加強保護。

Pool Bowling會喺2.5×5米特製桌球枱進行，枱邊用上防撞膠加強保護。

多人組隊傳波

玩法方面主要分為兩種，一種係雙方要順住保齡球上的號碼撞球入洞，入得多為之勝出，另一種係鬥快入晒實色波或間條波。而過程中只可拎住白色波，身體仲唔可以掂到其他波。除了一對一之外，幾個人組隊玩都冇問題，Andy解釋：「多人對戰時，隊友可以玩傳波提升入洞機會，Set好路徑會容易一Cue入洞，規矩係傳波同接波時雙腳唔可以郁，加強遊戲嘅刺激感，以及隊伍嘅合作性。」始終玩Game會有輸贏，為增加遊戲的玩味，負責人還特別為遊戲加入小懲罰。「贏嘅一方會喺枱面任意擺放6個數字波，輸嘅一方要蒙住雙眼，如果摸到1號就要做1 Set掌上壓，如果係6號的話就要做6 Set掌上壓。」

多人對戰時，可傳球到隊友手上撞球，不過傳球和接球時，玩家下半身唔可以郁。

荷里活巨星「狼人」<br>曉積文於《The Tonight Show Starring Jimmy Fallon》節目，同主持人大玩Pool Bowling，笑料百出。

荷里活巨星「狼人」
曉積文於《The Tonight Show Starring Jimmy Fallon》節目，同主持人大玩Pool Bowling，笑料百出。

在高爾夫球場踢波入洞都幾難，事關場地有沙坑、樹木等障礙。

Crossover運動睇真啲：足球高爾夫比賽競技

若各位腳法細膩，又鍾意打高爾夫的話，大可試吓新興嘅足球高爾夫運動，顧名思義是將高爾夫球換成足球，以最少「腳數」踢波入直徑0.53米的洞。場地一樣設有沙坑、樹木、水窪和小山丘等障礙，不僅腳頭要重，準繩度亦要高。有興趣的話可到深圳觀瀾湖挑戰一下，早前更有公開比賽，吸引咗唔少好手參加，而場地亦供會員一顯「腳法」。

網址：www.missionhillschina.com

肥皂泡足球美斯推介

想大人細路一齊玩的話，仲有呢款Foot Bubbles，它將肥皂泡融合足球玩法，唔單止搵咗巴塞球星美斯做代言人，仲拍咗條宣傳片放上網（網址：www.footbubbles.com）。套裝內有專用襪、專用泡泡液、足球形的盛載器及肥皂泡足球吹製管，只要着上專用襪就能夠把吹出來的特製肥皂泡當波踢，技術好仲可以「的波」，甚至用嚟玩花式，去到邊都可以畀各位過「足」癮。