潮人周柏豪力撐Song for the mute陰陽調和

歌手周柏豪的衣着打扮向來以型格見稱，是年輕人的模仿對象，不過柏豪亦被澳洲時裝品牌Song for the mute的簡約設計及特製布料所吸引，不時穿着品牌服飾出席大小活動。品牌由一男一女設計師Melvin Tanaya及Lyna Ty主理，男裝系列已成立五年之久，今年首次推出女裝限量系列UN(E)，為品牌奠下新里程碑。
周柏豪愛上品牌的簡約服飾。
周柏豪愛上品牌的簡約服飾。

互補不足

Melvin笑言Lyna早已渴望推出女裝，如今總算一償所願。他說：「其實我哋見到有啲情侶客嚟揀衫，都覺得應該推出埋女裝，等女士都可以一齊揀。」問到是否推出情侶裝？Lyna表示：「男女裝會用相同物料做，不過我哋想做到襯得嚟又會有唔同風格。男裝會成熟啲、溫和啲，而女裝就精緻啲、優雅啲。」二人表示最欣賞的設計師是Yohji Yamamoto，因對方對時裝充滿熱誠。而他們則認為二人合力打造品牌，陰陽調和，能互補不足。Melvin說：「佢好鍾意舊式、傳統嘅嘢，而我就鍾意摩登嘅，不過我哋唔會有好大嘅爭執，反而會互相討論，傾到大家都滿意為止。」

Lyna（左）與Melvin合作無間，笑言互補不足。
  • Lyna（左）與Melvin合作無間，笑言互補不足。
Lyna與Melvin今年首次推出女裝系列。
  • Lyna與Melvin今年首次推出女裝系列。