郭慶彬做足100場騷
郭慶彬不時參與品牌的VIP活動，教人襯衫，他直言品牌第一次找他做活動，直到第100個活動都是幫品牌做，覺得好巧合：「我由幫藝人做形象，做到幫VIP，由第一場做到戰戰兢兢，到依家第100場，好興奮，有人同我講希望你做好1000場，所以我覺得好特別，好巧合。」
提到做過的大小活動，Ricky直言幾年前試過做到暈：「因為冇食飯暈低，依家都有客人帶食物畀我似朋友聚會咁，有客人知我唔食牛肉，親手整三文治畀我食，真係好感動。」他笑言教授別人襯衫之道，變成心理醫生：「我每講一句說話都好大壓力，因為每日都收到好多問題點樣襯啱自己，說話唔可以亂講，自己似變成心理醫生咁。」