識食鴨王老嫩鴨湯打邊爐

冬天不少人都喜歡圍爐而坐，享受「烚吓烚吓」的樂趣，除了人氣高企的海鮮鍋，最常見的當然是港人最愛的惹味雞煲。不過唔講唔知，原來鴨一樣可以用來打邊爐！深水埗的老三火鍋就自創一款招牌老鴨湯，先嘗過猶如老火湯的湯底才加湯繼續打邊爐，電影《鴨王》的男主角何浩文（Dominic）試過後都大讚好味！

剛剛完成《鴨王2》拍攝工作的Dominic品嘗過店內招牌老鴨鍋，兼試食了牛胸爽肉和駱駝峰等特色配料後大讚美味！

老火湯底　先飲後烚

現時有3間分店的老三火鍋，以獨門的老鴨湯起家，無論是湯底抑或食法，都屬全港首創。招牌的老鴨湯用上逾1歲大的老鴨，連同沙參、黨參、松草花、紅棗、杞子和圓肉等藥材燉4至6小時而成，鮮甜暖胃。湯底更會與預先蒸熟的兩斤重嫩鴨一同奉上，邊飲邊食，非常滋補。

嘗過老鴨湯和嫩鴨肉後，就可以加入口味較清新的豬骨湯，用來涮不同的火鍋配料，既能保留鴨的鮮味之餘，味道亦不至於過鹹。

創新配料　款式豐富

湯底講究，火鍋配料亦選擇甚豐。愛食牛肉的話，店內不但有不同級數的肥牛，連少有部位如牛胸爽肉、牛心椗、牛骨髓、牛脷心托等都有得食。另外還有自家製的醉雞丸和駱駝峰，在市面上極為少見，值得一試！打邊爐的同時又想食得健康，餐廳就推介野生姬松茸菇和素菜拼盤，前者可提升免疫力，後者就有齊各款蔬菜和菇菌，經鮮香湯底灼熟後，清香可口。