幫我家雜誌拍攝多個精彩封面的攝影師Deric Wong，近日收到一位名叫Rachel的女子的WhatsApp Message，問他有冇時間贊助阿Rachel個Party影相。
贊助？Deric不明所以，於是追問詳情。對方說，哦我哋嚟緊禮拜日會搞個1歲小朋友生日派對，我哋有成45個家庭會參加，我哋全部人都非常樂意Like同Share你個facebook作為回報。
阿Deric聽到個咁奇特嘅回報方法，竟然能夠按捺住自己驚訝嘅心情，好有禮貌咁婉拒是次「工作」遨請。然而對方竟然沒有放棄，就補多一句，你可以事後將相片放返去自己facebook o架喎。
此事雖然奇特，但雙方至少以禮相待。但事情的發展是，原來阿Rachel姐不只將這個Message Send給Deric，還將同一Message Send了給無數攝影師，而其中一個攝影師也有公開Message；顯示阿Rachel姐被拒後不甘被教訓，反過來教訓該名攝影師，問佢識唔識做生意，咁計較點做生意云云……
這就令人相當懊惱，怎麼阿Rachel竟然這樣思考。
一買一賣，本該公平。但首先，這裏連車馬費也沒有的話，根本連買賣也談不上，又何來生意呢。再來的是，價錢高低與否，要取決多樣因素，包括貨品和服務質素，包括市場同類產品定價等。但在供求以外，最重要一點就是，究竟想不想做。想做的話，當然可以便宜一點；不想做的話，開天價讓你知難而退亦可以。從來價格就由賣者而定，何時輪到Rachel來教別人做生意呢。
網址：www.facebook.com/linrixi