1:6 Curry咖喱籃球夢

籃球，從來唔係一步到位，金州勇士領軍人物史堤芬居里（Stephen Curry）亦然，初出道時被冷待，但幾經努力下投入一個又一個妙絕三分球，終於登上MVP寶座，更一鼓作氣拿下上季NBA總冠軍。Enterbay同樣擁有籃球夢，務求將眾球星變成Action Figures，近日1:6「咖喱仔」橫空降世，球迷豈能錯過！
1:6 Stephen Curry 售價︰$1,588
1:6 Stephen Curry 售價︰$1,588

逼真頭雕咬牙膠

Enterbay近年專注開發NBA Masterpiece系列，自波神佐敦起，作品一直叫好叫座，雖然早前二哥柏賓質素有所回落，但同期推出的巨無霸奧尼爾，神似度之高被譽為神作。在緬懷過90年代巨星後，廠方最近將時間軸調回2015年，推出目前NBA人氣最高的史堤芬居里。小記拿到貨辦時，由SCUDERIA負責的頭雕，實物比相片更逼真，雖然表情有點「戇居居」，但五官輪廓尚算到位，膚色在高清技術下更具層次。隨盒還附送一塊牙膠，攝入口中勁似真人！

波衫質料最靚

廠方今次推出作客版本，波衫用上金州勇士招牌嘅藍黃配色，前方印有球隊標誌，後方則有「Curry」以及「30」字樣，全部經過熨印，擺得耐都唔易脫落。波衫質料也有明顯進步，整體柔軟輕盈，最正係領口間紋由雙層布料車成，比以前滴膠邊像真好多，小記夠膽講係廠方造得最靚嘅一件波衫！美中不足係素體，雖然擁有30個關節，但膊頭太橫令射波時雙手難以拉近，要花啲心機先擺到射三分波嘅英姿。

廠方在衫腳車上尺碼標籤，製作認真！
  • 廠方在衫腳車上尺碼標籤，製作認真！
波衫圖案全是熨印，領口以雙層布料車成。
  • 波衫圖案全是熨印，領口以雙層布料車成。
素體膊頭太橫，胸肌亦有待改善。
  • 素體膊頭太橫，胸肌亦有待改善。

還原神級波鞋

配件一向係Enterbay強項，今次亦唔例外，單係一對攞正「拉臣」嘅波鞋已值回票價，可忠實還原Under Armour Curry One MVP這對神物，不但鞋形似到足，連鞋身花紋及「CHARGED」、「SC」字樣，以及鞋尾保護罩都如倒模一樣！其他配件包括護踝、雙色手帶、Leggings打底褲、磁石波、MVP獎盃、總冠軍獎盃、冠軍Tee及地台等，並附有9隻可換造型手，其中一對模仿招牌慶祝動作，製作咁認真，其他人偶廠點夠你玩？

附送藍黃色手帶，手腕如實印有紋身。
  • 附送藍黃色手帶，手腕如實印有紋身。
Enterbay嘅配件一向高水準，呢對Curry One MVP無論鞋形、顏色、花紋都跟足。
  • Enterbay嘅配件一向高水準，呢對Curry One MVP無論鞋形、顏色、花紋都跟足。
素體坐擁超過30個關節，花啲心機就擺到神射手英姿。
  • 素體坐擁超過30個關節，花啲心機就擺到神射手英姿。
Curry鍾意咬牙膠，依家買Figure可獲贈牙膠一塊。
  • Curry鍾意咬牙膠，依家買Figure可獲贈牙膠一塊。
五官和膚色尚算到位，若表情加添幾分殺氣會更好。
  • 五官和膚色尚算到位，若表情加添幾分殺氣會更好。
MVP獎盃、總冠軍獎盃及磁石波屬例牌配件。
  • MVP獎盃、總冠軍獎盃及磁石波屬例牌配件。
包裝盒印有金州勇士Logo及Curry簽名，並附有獨立出世紙。
  • 包裝盒印有金州勇士Logo及Curry簽名，並附有獨立出世紙。

撰文︰陳志滔

攝影︰郭凱敏　

查詢電話：2332 3615