FPV穿越競賽飛一般快感

近年興玩航拍，透過遙控機記錄翱翔天際的視覺體驗，可是航拍機始終係攝錄工具，好難Feel到揸飛機嘅速度感。想第一身感受穿梭障礙物嘅速度與激情，不妨試吓新興嘅穿越機（Racing Drone），它可說是遙控四軸機的變種，唔單止速度高，仲內置視像鏡頭，讓用家戴住FPV（First Person View）無線裝置，以第一身視點駕駛無人機左穿右插，今次一於請穿越機達人Benny帶大家劃破長空！
穿越機讓用家投入「飛」一般世界。
穿越機讓用家投入「飛」一般世界。

戴眼罩更刺激

無論玩航拍機抑或遙控飛機，操控嘅時候都要望住架機，難以第一身享受空中美景和駕駛樂趣，穿越機就完全唔同，Benny指出：「穿越機可透過無線鏡頭，將實時影像傳送到附有接收器嘅頭戴式眼罩，或者俗稱電視機嘅顯示屏。戴眼罩嘅好處係唔會受戶外光線影響，比屏幕有更強嘅第一身視覺效果。值得留意是現時5.8G圖傳系統提供32條頻道，但由於頻道有機會互相干擾，令畫面出面雪花，所以比賽時大多只會使用6至8條頻道，提升接收穩定性。」

穿拱門飛樹林

穿越機好玩嘅地方不僅是第一身視覺，其超高速快感及穿梭障礙物嘅玩法才是精髓所在，Benny表示：「唔少人玩穿越機係為咗同人鬥快，頂級機種差唔多有時速80公里，之前香港機械模型會曾經搞過比賽，主要係兩部機同場追逐，喺3分鐘內來回穿梭場地嘅拱門10次，而每段飛行距離約100呎左右，先完成者為勝。除咗穿越拱門，喺外國仲可飛越橋底、樹林等，香港方面南生圍係一個唔錯場地，入面有比較高大嘅樹，可於林中穿梭。」

穿越機最好玩嘅地方係能夠於樹林、拱門等障礙物左穿右插。
  • 穿越機最好玩嘅地方係能夠於樹林、拱門等障礙物左穿右插。
香港機械模型會之前搞過穿越機比賽，兩機鬥快來回穿越拱門10次。
  • 香港機械模型會之前搞過穿越機比賽，兩機鬥快來回穿越拱門10次。
穿越機達人Benny表示，玩穿越機好似打機一樣，要有好嘅方向感。
  • 穿越機達人Benny表示，玩穿越機好似打機一樣，要有好嘅方向感。

自行組裝部件

相比市面上的航拍機，穿越機由機架、摩打、電子變速器、圖傳裝置、鏡頭等部件組成。「由於穿越機可按玩家喜好而組裝，就算唔小心撞散一部分，都唔使成架機報銷，只要配番相關部件就搞掂，所以非常耐玩。」Benny續稱：「穿越機會以軸距嚟區分大細，較細的可以去到100級（100mm軸距），不過香港大多數玩家會揀250級（250mm軸距）和280級（280mm軸距），事關呢兩個Size無論速度和平衡都有不俗表現，雖然細機較輕身，速度會快少少，但掟彎就唔夠定，容易受強風影響。」

遙控器嘅操控同一般遙控飛機或航拍機冇乜分別。
  • 遙控器嘅操控同一般遙控飛機或航拍機冇乜分別。
優質視像鏡頭在畫面中能顯示更多細節，有效減少光差問題。
  • 優質視像鏡頭在畫面中能顯示更多細節，有效減少光差問題。
Kylin FPV 250備有ARF和RTF兩種版本，前者不設部分組件及遙控裝置，需要玩家自行組裝；後者只要配上電池即可玩，較適合新手。售價：$2,750（ARF版）、$3,500（RTF版）（a）
  • Kylin FPV 250備有ARF和RTF兩種版本，前者不設部分組件及遙控裝置，需要玩家自行組裝；後者只要配上電池即可玩，較適合新手。售價：$2,750（ARF版）、$3,500（RTF版）（a）
用家可透過顯示屏遙控穿越機，感覺似睇電視多啲。售價：$1,000起（b）（視尺寸而定）
  • 用家可透過顯示屏遙控穿越機，感覺似睇電視多啲。售價：$1,000起（b）（視尺寸而定）
戴眼罩可感受更強烈的第一身視野，如圖中的Headplay眼罩，不僅可對應穿越機，仲可配搭航拍機玩。 售價：$2,340（a）
  • 戴眼罩可感受更強烈的第一身視野，如圖中的Headplay眼罩，不僅可對應穿越機，仲可配搭航拍機玩。 售價：$2,340（a）
FatShark Dominator HD擁有800×600解像度，提供45度廣闊可視角，並支援microSD卡記錄影像及Side by Side的3D顯示。售價：$4,270（b）
  • FatShark Dominator HD擁有800×600解像度，提供45度廣闊可視角，並支援microSD卡記錄影像及Side by Side的3D顯示。售價：$4,270（b）
FatShark Predator V2具備25度可視角及640×480畫質，勝在淨重150g夠輕巧，而且內置1,000mAh電池，適合新手使用。售價：$2,317（b）
  • FatShark Predator V2具備25度可視角及640×480畫質，勝在淨重150g夠輕巧，而且內置1,000mAh電池，適合新手使用。售價：$2,317（b）

無人機國際賽事

穿越機近年喺外國極之流行，全因外國嘅放機地點較多，可以喺廢墟、室內停車場、叢林等地方玩。而玩法則以追逐賽為主，只要在YouTube搜尋「FPV Racing」等字眼，便可發現大量影片。早前於美國舉行了「National Drone Racing Championships」賽事，超過100位來自世界各地嘅高手參賽，結果由澳洲選手Chad Nowak拿下個人、團體和Freestyle 3個獎項。網址：http://dronenationals.com

比賽設有指定路線，穿越機需要穿過不同障礙。
  • 比賽設有指定路線，穿越機需要穿過不同障礙。
澳洲選手Chad Nowak於賽事中奪得多個獎項。
  • 澳洲選手Chad Nowak於賽事中奪得多個獎項。
香港機械模型會配套齊備且安全，有一大片空地供低飛和升降。費用：$15,000（入會費）、$4,800（年費）
  • 香港機械模型會配套齊備且安全，有一大片空地供低飛和升降。費用：$15,000（入會費）、$4,800（年費）

二百米長本地跑道

雖然香港唔少地方如南生圍、大坳門等都經常見到人放遙控飛機或航拍機。但如想玩無人機競賽的話，建議大家去位於元朗大棠嘅香港機械模型會，入面有條200米長嘅跑道，加上高手如雲，係練習和交流嘅好地方。網址：http://www.hkmec.com

撰文：黎子豪

攝影：蔡浩文（部分相片由受訪者提供）　

查詢電話（產品）：（a）3589 4189、（b）6653 7050

模特兒：Naoki（Reborn Production）