每次見到外表冷艷嘅女性時，縱然佢個樣有幾咁靚，身材又有幾咁標青，同埋着得有幾咁性感，唔少男士總會選擇避之則吉。不過又唔係每個冷艷索女，內心同樣係冷冰冰，好似內地嫩模蘇可可喺鏡頭前冷艷無比，卻估唔到私底下嘅佢竟然係個大笑姑婆，仲好玩得添！
呢位喺2012年以18歲之齡出道嘅湖北模特兒，有個好特別嘅英文名Keke，因為平時佢鍾意笑騎騎，所以就改咗呢個名，之但係佢嘅朋友覺得呢個名好怪，因此稱佢做Kitty。據佢講起初都唔係咁鍾意，只係後來愈嚟愈多人咁叫，於是接受咗。雖然佢喺18歲就投身模特兒行列，但其實當時嘅佢正於北京嘅對外經濟貿易大學就讀，卻因為相對經貿課程而言，佢更愛模特兒工作，因此便過住相當長嘅半工讀生活。好多人以為可可憑住超激凸36-24-35三圍嘅魔鬼級身材，應該好快喺寫真模特兒界中跑出，只係事實並非如此。由於佢受身高所限，剛開始時發展並唔算順利，及至2013年6月時，佢以電競模特兒身份Cosplay人氣遊戲《DOTA2》中嘅女角色，憑住冷艷又性感嘅造型，終於為大家所認識。
唔講唔知，原來可可一直都有打機同Cosplay嘅興趣，故此當佢扮起遊戲人物時，便格外得心應手，而憑住佢呢輯冷艷Cosplay造型照，從此被粉絲冠以「冷艷女神」之名。喺2014年嘅上海電玩展ChinaJoy中，以暴乳造型登場嘅佢，更成為人氣極高嘅展台Show Girl之一，自此工作量直線飆升，先後為多個雜誌拍攝封面，又喺網絡節目中以嘉賓身份亮相，而喺去年佢更開始涉足電視劇同微電影，名副其實多棲發展。喺平面媒體上同鏡頭前，總係以冷艷形象示人嘅佢，並冇因為工作而改變原來嘅性洛，私底下係個大笑姑婆。好似佢早前就因為有人評價雙子座嘅愛情觀，稱對愛情極度堅信又極度不安時，雙子女嘅可可極度認同而開心到笑唔停口。唔知係咪呢種表裏不一嘅性格，先至可以令佢一直深得粉絲嘅歡心呢？
簡介：蘇可可雖然憑住Cosplay一炮而紅，但其實佢樂天嘅性格，亦係幫助佢度過人生低潮嘅關鍵。如果想知道呢位愛笑嘅暴乳索模私底下真實一面嘅話，記得去佢個微博睇吓，好彩嘅話仲可以睇到佢最新嘅火辣寫真添！
網址：weibo.com/u/3164703962
出生地：湖北
身高：160cm
三圍：36、24、35
撰文：魂