田大少的小弟弟在公開場合仰天求真，問：「睇下我哋啲皮膚，唔係中國人，我唔知係咩人。」田大少的小弟弟貴為上流人士，其實沒必要浪費其寶貴時間去弄清無謂之身份認同問題，其虛心學習之心，實在令人欽敬。
講真，大中國人係黃皮膚，小韓國人又係黃皮膚，連小日本人都係黃皮膚，要分出誰是中國人，認真唔易。所以田大少的小弟弟在嘗試清空腦袋，只以簡單之黃皮膚二分法來分辨誰是中國人，也未嘗不是好方法。
黃皮膚二分法易學難精，使用時要加倍留神。
例如當電視播放卡通片，看到小新、小丸子等人，切忌心浮氣躁亂認人，人家操流利廣東話旨在入鄉隨俗，他們可能也是純正中國人呢。
也有外國勢力動畫擾亂觀眾，例如Minions、海綿寶寶、Woodstock、翠兒、阿森一家、疏乎蛋、小熊維尼……等等，笑甚麼？你們全都是中國人。
又例如白雪公主，唔好見人靚就亂搭訕，人哋雖然係中國人，但只操流利英語。
打開體育台，看到球王美斯沒？他也可能是中國人？反正代表阿根廷國家隊的他，出身於美洲，本身身份也成疑。不是原著民的話，美洲人可能就是來自歐亞大陸的移民，唔係中國人嘅話，我真係唔知佢係咩人。尤其尤其，你不覺得美斯很像我國一位當紅影星嗎？沒錯，很多人都有留意到，美斯跟張家輝一樣樣的。田大少的小弟弟沒有說錯，他們都一定是中國人。
網址：www.facebook.com/linrixi