Hyundai HD65搵食靠韓霸

揀搵食好拍檔，首要條件當然係載貨多，其次係慳油好力，現代（Hyundai）嘅全新「韓霸」HD65就符合晒以上條件，而且貨斗係韓國原廠出品，質量之高跑贏唔少同級對手！

搶攻本港商用車市場嘅HD65，備有三個版本選擇，滿足唔同業務嘅營運需要。就以「力霸」及「雪霸」為例，兩者分別配備韓國原廠貨斗及冷凍櫃，載貨量超高，而且喺當地完成裝嵌先至運嚟香港，比起散件到港先至再裝嵌，質量上更可靠、更有保證。

性能方面，F系列配上3.9L柴油Turbo引擎，擁有160ps馬力及59.0kgm扭力，力量表現喺同級之中數一數二，配合五前速手波，更加做到慳油好力。除此之外，呢台合乎歐盟五期排放標準嘅引擎，日常運作毋須注入尿素，慳番唔少操作、保養時間，可以跑多幾轉搵多啲，有邊位車主唔Like先？

車廂鋪排以簡約實用為基調，A柱設有扶手，方便乘客進出車廂。	五前速手動波箱操作容易，而且與引擎相當合拍，好力又慳油。	3.9L柴油Turbo引擎夠好力，而且毋須注入尿素，操作、保養都更有效率。
駕駛席備有出眾承托力，紅黑雙色配襯，有別於主流貨車嘅沉實。	中控台設備一應俱全，上半部係車廂空調系統控制旋鈕，操作方便。	冷凍櫃的溫度控制器設於中控台，方便隨時調節溫度，確保貨物保持質量。