索女加賽馬App 有得搞喎！
智能手機發展一日千里，已成為生活嘅必需品，手機遊戲更是都市人必備的解悶良方，手遊市場自然成為商家必爭之地。動作、益智、運動等手遊應有盡有，隨便就找到一大堆以三國、神話故事、體育運動乜乜乜的遊戲。不過，如果想專門一點，只找賽馬遊戲卻選擇不多，更多數來自日本，例如《100萬人之Winning Post》、《Derby Impact》，對於香港人來說欠缺本土性。
不過，遊戲及應用程式不斷演化，睇得又玩得，工具App都可以當遊戲玩，更加夠晒土炮味道，大家又點睇？坊間有不少賽馬資訊App，但內容都只是圍繞馬圈新聞、賽事資訊等基本內容，對於追求新鮮感的香港人來說，對住騎師、練馬師及一大堆賽事數字，好快就無癮。正所謂「功夫加足球都有得搞」，如果將美女融合賽馬App，應該是開創先河，起碼度馬悶時，都可望望靚女養吓眼。
收到風有個叫《馬場BOSS》的App明天（9月3日）推出，開始畫面睇落個樣似手遊，不過再看其他截圖，擺明內有乾坤，主介面又有靚女睇，據聞還有秘書服務，不知葫蘆賣甚麼藥。不過點都好，有靚女睇起碼不會睇到瞌眼瞓先！
