XPLORER V四軸航拍 模組任砌

網上搜尋「航拍」一詞，輕鬆便找到過千條短片，航拍有幾普及唔使多講！可惜想搵部靚啲嘅航拍機，隨時要花費過萬元，幸好國產品牌XIRO（零度）剛引入行貨XPLORER V四軸航拍機，$5,000左右便可入手，更首創模組式設計，零件裝拆全部由玩家自己動手，無論換Cam升級、組裝機翼抑或維修零件都話咁易！
售價：$5,399（XPLORER V）<br>$5,399（XPLORER G不連GoPro）<br>$3,399（XPLORER）
售價：$5,399（XPLORER V）
$5,399（XPLORER G不連GoPro）
$3,399（XPLORER）

型格飛鏢外形

XPLORER V表面用上黑色磨沙塗層及螢光綠花紋，外形似足忍者飛鏢，大玩型格玩味Look，而機身軸距350mm、高50mm，連電池重1.22kg，便攜性唔錯。今次測試的V版植入原廠鏡頭，可拍攝1,400萬像素相片及每秒30格的1,080p影片。若嫌畫質唔夠靚，則可入手G版，機身下方備有多軸雲台，讓用家自行將GoPro套入其中。如果淨係想體驗遙控飛行樂趣，則可試吓XPLORER標準版，不過由於它沒有雲台及鏡頭，嚴格來說似玩具多過航拍機。

首創模組設計

有別於一般航拍機，XPLORER大部分零件並無裝嵌於機身，首創模組式設計，除咗電池、螺旋槳之外，連飛控中心、鏡頭組件統統可以拆出來，當中鏡頭組件及螺旋槳更毋須工具裝拆，好似砌模型咁好玩。值得一讚係接駁位造工不俗，機身夠實淨，而且拆件後存放容易，最重要係令升級換件更簡單，如想提升拍片質素只需更換鏡頭組件，就算唔小心「炒機」都唔會全機報銷，維修亦相對容易。

大部分組件都可裝拆，組裝過程簡便。
  • 大部分組件都可裝拆，組裝過程簡便。
螺旋槳用上塑膠物料製造，按指示扭兩扭便可裝拆。
  • 螺旋槳用上塑膠物料製造，按指示扭兩扭便可裝拆。
V版備有自家鏡頭，利用三軸雲台提升穩定性。
  • V版備有自家鏡頭，利用三軸雲台提升穩定性。

自動追蹤玩家

操控方面，遙控器附有支架可裝上不大於6吋嘅智能手機，透過《XIRO》App便可經Wi-Fi查看飛行資訊及同步預覽畫面。除了基本操作如升降、轉向外，亦可以遙控調校鏡頭方向。為照顧入門玩家，新機支援自動起飛及降落功能，亦備有Follow Me及Around Me玩法，前者使航拍機自動追蹤玩家；後者以固定半徑距離環繞玩家飛行。小記於戶外試玩時，發覺操控極易上手，起飛、盤旋都相當穩定，而且140度鏡頭夠Wide，拍攝效果不俗。

電池容量高達5,200mAh，可連續飛行約18分鐘。
  • 電池容量高達5,200mAh，可連續飛行約18分鐘。
遙控器頂部內置隱藏式支架，可擺放不大於6吋嘅智能手機。
  • 遙控器頂部內置隱藏式支架，可擺放不大於6吋嘅智能手機。
《XIRO》App介面設計簡單，提供地圖等功能，啱晒航拍新手。
  • 《XIRO》App介面設計簡單，提供地圖等功能，啱晒航拍新手。
可將航拍影片、相片直接儲存至手機，上傳facebook與好友分享。
  • 可將航拍影片、相片直接儲存至手機，上傳facebook與好友分享。
採用microSD卡儲存拍攝內容，留意插槽沒有保護蓋。
  • 採用microSD卡儲存拍攝內容，留意插槽沒有保護蓋。
小記於日光下航拍，畫面對比度及層次感都很出色，140度廣角亦夠Wide。
  • 小記於日光下航拍，畫面對比度及層次感都很出色，140度廣角亦夠Wide。
從官方提供的試片可見，成像穩定性不俗，色彩線條亦見細緻。
  • 從官方提供的試片可見，成像穩定性不俗，色彩線條亦見細緻。

撰文：林子聰

部分攝影：胡振文

查詢電話：2217 3030