光繪達人教路！Pixelstick舞動圖鴉

第一招：剪影人像

外形似足一支棍嘅Pixelstick，有成1.8米長，內置200枚LED燈，預載多種花紋選擇，能繪出彩虹、橫紋等。Warren Adrien表示：「如想繪畫出好有動感的彩虹，只要好似舞火龍咁不停揮舞Pixelstick，可以向上向下甚至是旋轉走動，謹記移動速度要穩定，而且LED燈方向要面向相機，想加入人像的話仲可玩埋剪影。」

第二招：勾畫瀑布樓梯

雖然光棒唔算好重，但長時間揮舞嘅運動量都幾大，若果唔想次次舞龍咁舞，Warren Adrien建議：「可嘗試利用樓梯，然後沿住樓梯逐格落下，出來嘅效果便似足一條彩虹瀑布。要注意由於曝光時間差唔多近30秒，所以盡量揀一些較黑的地方拍攝，一來令背景冇咁易爆光，二來能凸顯彩虹瀑布的顏色。」

Pixelstick組裝後有1.8米長，內置200枚LED燈。售價：$2,800	試相區 配合人像可玩出剪影效果， 利用Pixelstick在主體四周畫花紋。	試相區 在樓梯帶住Pixelstick逐格落下，便可畫到一條彩虹瀑布。

第三招：拉出自選圖片

其實Pixelstick不僅能揀彩虹等花紋，仲可拉出自選圖像，事關它備有SD卡槽，只要預先把圖片設為200pixel高度，再逆時針旋轉90度，最後轉換為BMP檔案儲存於SD卡，便能夠以光繪形式表現。Warren Adrien指出：「玩家可拉出標誌、人像相、全景相等，最緊要是橫向移動時夠穩定，否則圖像容易變形。」

Warren Adrien為世界光繪聯盟香港代表。其拍攝風格以視覺藝術為主，常以勾畫輪廓和光繪書法創作。	試相區 若然想為女友炮製驚喜，不妨預先載入相片拉出光繪。	每張作品都會預先在腦中想好再畫，利用不同電筒畫出粗幼線條。

基本相機設定

玩Pixelstick不僅大有學問，其實相機設定都幾講究，Warren Adrien教路：「假如要表現出粗線條可盡開光圈，而一般環境下會使用F8~16光圈左右；至於感光度則是ISO 100。快門方面，我習慣用遙控加B快門拍攝，若果冇遙控就要因應環境，例如玩瀑布彩虹用上30秒，而自訂圖案就用5~10秒，視乎圖案大小而定。」

Warren Adrien會帶備幾支唔同類型嘅電筒玩Light Painting。	光棒附有控制器，當沒有記憶卡時可揀選彩虹等花紋，還可設定亮度、方向等。	設有SD卡槽，可將BMP影像預先記錄。

同場加映：Light Painting進階玩法

Warren Adrien指Pixelstick較適合初學者玩，自己平時玩光繪會用上幾支唔同Size嘅電筒，方便畫出不同粗幼線條，變換顏色時還可加入玻璃紙。「我自己最常以光繪畫Product輪廓，甚至畫晒成個人和家居，不停喺身上和屋企每個角落照射。一般會長曝3~5分鐘左右，最大難度係要預先喺腦中想好構圖和知道自己畫緊乜。」

數字人生：Perry Chen

38：以紐約為基地的藝術家，現年38歲，2001年成立Southfirst Gallery。

100：2013年被《TIME》選為100位最具影響力人物。

2009：2009年與Yancey Strickler及Charles Adler創辦網上集資平台Kickstarter。

73,620：2012年開始統計Kickstarter專案，當時已啟動了73,620個專案，集資金額達3.81億美元。

撰文：黎子豪

攝影：盧展程、胡振文（部分相片由受訪者提供）

查詢電話：2915 2205

網址：shop.lomography.com/hk/pixel-stick