Heidi練跑聽歌Smart B-Trainer隨心變奏

內置6種感應器

Smart B-Trainer（SSE-BTR1）採用跟W系列Walkman相同的掛耳式設計，雖然Size變得略大，但重量只是43g。機身內置心跳率、GPS、加速計、陀螺儀、電子指南針及氣壓計6種感應器，可量度心跳、卡路里、距離、時間、速度、配速、步頻、步數、步幅、跑步路線及海拔資料，可將資料無線同步至手機專用程式《Smart B-Trainer for Running》儲存，還備有詳盡圖表分析表現。

自動提你加速減速

新機聰明的地方是可感應用家心跳率，自動播放啱節奏的音樂，如跑者跑得太快或心跳率太高，機身會自動選播節奏較慢的音樂提示用家減速，反之亦然。其他功能亦針對跑步而設計，如機身具備IPX5/IPX8防水能力，無懼落雨或被汗水濺濕，使用後以清水沖洗即可。Heidi仲大讚佢嘅顏色選擇多，女生可揀粉藍、粉紅或白色，男生則可揀黑或螢光黃色，啱晒唔同跑友使用。

售價：$780/隻、$1,140/對 X11的Size細細，放喺女仔手掌游刃有餘。	可將Smart B-Trainer的資料無線同步至手機內儲存。	可先行設定心跳率範圍，配合不同強度訓練。

同場加映：X11喇叭的骰好玩

Sony繼之前推出SRS-X1球形喇叭後，今次新款SRS-X11改玩骰仔設計，其邊長只有61mm，還加入手繩位可配上附送的矽膠手帶，帶出街聽歌都好方便。音色方面，它內置45mm全音單元，另於機身兩側各加入Passive Radiation被動式輻射裝置提升低音效果，總輸出功率達10W。想更好玩的話，可買齊一對X11，只要按「Add」鍵再將兩部喇叭經NFC一拍，即可將之分成左右聲道播歌，營造出更強包圍感。

機身及耳塞支援IPX5/IPX8生活防水設計。

透過機背「Add」掣可連接另一部X11組成立體聲輸出。

撰文：布偉倫

攝影：張群生、胡振文

查詢電話：2345 2966