G4皮背韓Phone 量子靚芒

皮革製品向來係潮流嘅長青樹，依家連手機都跟風，喺剛抵港嘅LG旗艦機王G4，植入5款不同紋理和顏色嘅皮背設計，外觀、手感以至搶眼度都攞滿分，襯晒大家嘅皮手袋、皮銀包等。行貨定價都幾大眾化，無論單卡版或雙卡版都係$5,698，月底正式開賣！

售價：$5,698（單卡版或雙卡版）<br>機背以皮革包覆，配以兩條垂直車線作點綴，並沿用背掣設計。

售價：$5,698（單卡版或雙卡版）
機背以皮革包覆，配以兩條垂直車線作點綴，並沿用背掣設計。

5款皮背選擇

G4早前先喺韓國開賣，估唔到香港咁快就有發售詳情，唔使粉絲捱水貨炒價。焦點之一當然係皮背設計，有別於傳統用開嘅塑膠、金屬或玻璃物料，新機背殼特別以植鞣皮革打造，提供栗棕、酒紅、醇黑、冰藍及米褐5款顏色，當中前兩者為光滑面，其餘則加入紋理，各具特色。

實物拎上手感覺柔軟舒服，仲喺中間位置加入兩條垂直車線作點綴，令機背不會過於單調。若嫌皮背唔啱心水的話，跟機仲送多一個金屬紋理嘅背殼，表面備有菱格暗花，同樣有心思。

G4搭載5.5吋IPS Quantum屏幕，並預載Android 5.1系統及UX 4.0介面。

G4搭載5.5吋IPS Quantum屏幕，並預載Android 5.1系統及UX 4.0介面。

提供5款不同皮革款式，顏色、紋理各有不同。

支援手動模式，光圈、快門等統統可自己設定，唔使再靠Apps。

IPS Quantum屏幕

雖然新機與上代同樣搭載5.5吋屏幕，解像度亦維持2,560×1,440，但卻換上IPS Quantum量子靚芒，顯示色域比G3擴闊20%，亦提高25%亮度及50%對比度；小記將兩機拍埋睇相，發覺G4的顏色明顯較鮮艷，更加搶眼。此外，屏幕屬「彎芒」一族，弧度為3000R，廠商表示可減少手機正面墮地時所受的損傷，配合弧形機背，手持傾電話時更貼面舒適。

前鏡頭支援四連拍模式，將手掌握成拳頭兩次便會開始倒數，女士們可盡情Selfie。

前鏡頭支援四連拍模式，將手掌握成拳頭兩次便會開始倒數，女士們可盡情Selfie。

採用全新六核心處理器，跑分高達48,510，效能不比八核心型號輸蝕。

智能媒體匣可依據年月日、地點將相片分類，搜尋相片更方便。

硬件規格則搭載Qualcomm Snapdragon 808 1.8GHz六核心處理器及3GB RAM，《AnTuTu》跑分有48,510分，屬旗艦級數，而且用上可換式3,000mAh電池，續航力有保證。

電池容量達3,000mAh，另可外加記憶卡擴充容量。

備有雙視窗功能，可將畫面分割同時開啟兩個不同程式。

試相區：開啟5級美顏自拍，美白效果自然，不過喺室內昏暗環境下，雜訊稍為明顯。

單卡雙卡任揀

鏡頭方面，新機備有1,600萬像素主鏡頭及800萬像素前置鏡頭，前者支援F1.8大光圈及光學防震技術，更首次加入Colour Spectrum Sensor色譜感應器，令拍攝時更接近實物原色。另新增手動拍攝模式，讓用家自行調校光圈、快門、色溫等，甚至可以RAW格式儲存相片。前置鏡頭繼續支援手勢自拍，並特別追加四連拍模式，連續將手掌握緊成拳頭兩次即可啟動四連拍，配合8級即時美顏功能，Selfie靚相話咁易。