模媽Debby湊B開舖 Gadgets偷閒
今天是母親節，相信不少人已Book定餐廳及買好禮物，但80、90後嘅新一代靚媽，既要看顧小朋友又要兼顧事業，好在數碼年代有唔少Gadgets幫手，連模媽Debby（曾麗儀）都話：「細個唔覺得媽咪有幾辛苦，但當自己初為人母，才發覺BB睇少陣都唔得，仲要兼顧模特兒工作及自己開嘅Cake Shop。幸好透過Gadgets可以忙裏偷閒，例如做蛋糕時用平板煲吓韓劇，仲可以自拍神器同囡囡影相擺上網！」
製作蛋糕 平板煲劇
模特兒Debby近來榮升Cake Shop老闆，原來她上年趁着生BB休養時間，埋首研究蛋糕製作及粉飾，直至去年尾開設Cake Shop「My Sweet Art」，由於蛋糕全以人手炮製，故訂單多時隨時做到深夜，唯一減壓方法是透過平板煲韓劇。「最近追睇《沒關係，是愛情啊》韓劇，而我喜歡屏幕夠大、亮度夠高嘅平板，皆因粉飾蛋糕時環境不能太暗，如果屏幕偏暗就睇得唔清楚。」此外，她會透過手提電腦搜尋外國蛋糕資訊，當中有些蛋糕的設計和照片很靚，在影蛋糕相擺上facebook時亦會拿來參考。
MeMO Pad 8靚芒抵玩
ASUS 8吋平板MeMO Pad 8（ME581CL），用上幼邊框設計，厚度只有7.45mm，重299g，輕巧便攜。而且支援Splendid功能調校色溫，睇得亮麗舒服，加上機背加入SonicMaster喇叭，睇片聲畫俱備。另內置4,000mAh電池，支援10小時連續播放，Debby睇足成晚韓劇都冇問題。
EeeBook X205的骰長氣
一般女士都不喜歡手提電腦太大部，ASUS的11.6吋EeeBook X205，長闊只有A4紙般大小，重量不足1kg，Debby能輕鬆帶去Cake Shop使用。機仔細細的它預載Windows 8.1系統，並搭載Intel Atom Z3735四核心處理器，擁有12小時電池續航力。機身有白、金兩色，型仔時尚。
貪靚潮媽 親子合照
做得模特兒，大多是貪靚人士，Debby亦不例外，成為母親後都不甘做黃面婆，最喜歡與BB女合照。「其實因為BB女出世，所以我一早買咗部單反相機準備影相，但單反始終太大部，結果影咗幾次就收入床下底，還是輕巧的自拍神器更好用，不僅操作簡單，仲有美白、尖臉等功能，可將我同BB女影得更可愛。」除了影相之外，Debby近期仲迷上GoPro拍片，目的是拍低滿意的蛋糕作品，一來留個紀念，二來可放上網做宣傳，「有朋友介紹我用電動雲台，再裝部GoPro上去，拍出來嘅片又定又清，繞着蛋糕360度拍都很輕鬆。」
TR60自拍神器
Casio自拍神器一向深受女士歡迎，TR60已屬第5代，提供12級膚色及平滑肌膚功能，並預載優雅、唯美、仙境、懷舊、艷麗等多種藝術效果，加上21mm超廣角鏡頭，輕易拍出尖臉效果！機身仲有珍珠白、粉紅、粉紫及粉綠色選擇。
SteadyGim3防震雲台
不少人貪方便用手機拍片，但移動時容易手震，拍出嚟嘅片容易睇到眼花，不如考慮BeStableCam出品的SteadyGim3手持電動雲台，內置三軸防震技術提升穩定性，手柄更設有按鍵，可任意調校拍攝角度。而且電量夠玩4個鐘，相當長氣。
BB聽歌 藍芽靚聲
Debby平時要兼顧模特兒及Cake Shop工作，所以特別珍惜返到屋企嘅親子時間。「無論白天工作有幾忙，晚上回家都會找時間與BB談話玩耍。BB女喜歡聽歌，一聽到英文兒歌便手舞足蹈，所以我會將歌曲儲存至手機上，返到屋企便可無線連接藍芽喇叭播歌。喇叭不需要超級靚聲，但一定要輕便及續航力長，咁樣就可以去到邊聽到邊。」
Christie懷舊喇叭
View Quest推出的藍芽喇叭，以60年代懷舊冰箱為設計藍本，提供藍芽、NFC或3.5mm AUX-in多種接駁方法，還可收聽FM收音機及DAB/DAB+數碼廣播。同時支援電池供電，能連續播放25小時，以便帶BB落公園時聽歌。
模媽創業經
不少人以為做老闆很輕鬆，但Debby卻認為搞Cake Shop是人生中最忙最辛苦的日子。「Cake Shop屬小本經營，甚麼都要一腳踢，由搵地方、裝修、設置工具等都要落手落腳搞。同時要照顧女兒，留意她的飲食、健康、睡眠、學習等，真係做咗媽媽先了解到母親嘅偉大。但開Cake Shop是我的理想，不會咁易放棄，起初開店時擔心冇人幫襯，但依家有咗口碑，已經做到收資平衡。」
BB Model增加閱歷
Debby個BB女未滿1歲已接拍廣告，難道想女承母業？「其實係機緣巧合，有商戶見我個女嘅樣子可愛，先搵佢拍廣告。我覺得拍廣告可令女兒增加閱歷，起碼見到陌生人唔會怕，而她長大後想做模特兒的話，我亦不會反對，皆因這行可認識到不同行業的人，對成長很有幫助。此外，我認識不少父母都擔心BB太早接觸手機、平板等會影響學業，我反而覺得數碼產品不是洪水猛獸，內裏亦有不少Apps可教導小朋友，而母女一齊玩亦能增進感情，一舉兩得。」
數字人生：超人之母
40：超人之母Mother of Ultra的名字為瑪妮，生於M78星雲光之國，身高達40米。
50：為慶祝鹹蛋超人50周年，日本製作公司挑選香港藝人羅子喬作超人之母亞洲代言人。
600：其跑速為每小時600公里，飛行速度達10馬赫，一跳可遠至350米。
1973：1973年於《Ultraman Taro》 （超人太郎）系列首次亮相。
撰文：周仲明
攝影：謝孝祥
查詢電話：（a）3582 4738、（b）2926 2300、（c）2950 0175、（d）2262 1173