Phantom 3視覺定位室內領航

近年航拍大熱，無論YouTube短片抑或電視節目，都例必加入航拍Shot，仲玩得愈嚟愈專業。連DJI都加推Phantom 3新系列，備有Advanced及Professional兩款型號，前者支援1,920×1,080@60fps畫質，後者更加入4K拍攝功能。最正係上至拍攝鏡頭、視覺定位系統，下至遙控器、專屬App等都一併升級，航拍迷有福了！

Phantom 3用上傳統四軸設計，外形與上代分別不大，但功能更強。

第三代4K強化

Phantom向來係DJI嘅招牌系列，自2013年推出第一代起，廣受航拍迷歡迎。作為第三代的Phantom 3解像度更備有Advanced及Professional兩個型號，雖然外形和設計接近，但前者採用1,920×1,080解像度鏡頭，後者支援4,096×2,160@25fps畫質，迎合4K超高清潮流。新機沿用自家四軸螺旋槳設計，配以純白塑膠機身，稍有不同是機身橫間配色由以往嘅紅色，改為Advanced嘅銀色及Professional嘅金色。

消除畫面變形

以往航拍機為追求拍攝角度，影片和相片大多會出現變形問題。為此，Phantom 3改用旗艦級機款Inspire 1的新鏡頭，配以Sony 1/2.3吋CMOS感光元件，可拍出1,240萬像素相片，由於鏡頭以非球面鏡組成，雖然僅得94度視角冇咁Wide，但卻可消除畫面變形，以後唔使靠軟件後製咁麻煩。

售價：$7,750（Phantom 3 Advanced）、$8,520（Phantom 3 Advanced連額外電池）、$9,760（Phantom 3 Professional）、$10,530（Phantom 3 Professional連額外電池）

售價：$7,750（Phantom 3 Advanced）、$8,520（Phantom 3 Advanced連額外電池）、$9,760（Phantom 3 Professional）、$10,530（Phantom 3 Professional連額外電池）

支援Lightbridge技術，令到實時拍攝嘅畫面高達720p解像度。

視覺定位系統可感應地面及高度，令室內平飛及懸浮時更平穩。

另可俯仰-90度至+30度，除了拍攝俯視角度，仲可影埋輕度低炒Angle，取景比起僅能作垂直90度移動嘅上代更靈活。底部還加入視覺定位系統，以感應器計算地面距離及高度，配合三軸雲台穩定技術，確保飛行時更穩定。就算身處冇GPS訊號嘅室內環境，低飛時亦極之平穩，定點懸浮未見左搖右擺，表現相當好。

支援三軸雲台穩定技術，令機底鏡頭更穩定。

改用更高容量的鋰電池，充滿電後可飛行23分鐘。

用上與Inspire 1同級的遙控器，惟不設HDMI插口，唔可以將畫面輸出至大屏幕。

用上與Inspire 1同級的遙控器，惟不設HDMI插口，唔可以將畫面輸出至大屏幕。

遙控器設計貼心

畫質大幅提升之餘，都要有靈活嘅操控性能才可發揮新機威力！Phantom 3改用與Inspire 1同級的雙天線遙控器，於戶外無阻隔環境下，接收距離達2公里。最重要是遙控器加入拍照、錄影、雲台俯仰控制撥輪、飛行模式等多個獨立按鍵，加上背面新增的自訂按鍵，基本上利用遙控器已能操控大部分功能，唔似得上代要喺App介面左篤右篤。