紐約速報 Acer機海變陣出擊

位於紐約曼哈頓下城嘅世貿中心，一朝早竟然吸引逾500名全球各地的傳媒雲集，自然有大事發生。原來係台廠Acer將筆電、平板、手機、智能手帶等新產品大晒冷，當中以Aspire系列筆電最受注目，幾乎人人都爭相試玩可分拆屏幕嘅Switch 10 E及支援360度反芒嘅R 11，部分新機快將今年第2季開賣！

售價：待定<br>R 11採用11.6吋屏幕，備有360度轉軸，將屏幕扭轉都得。

售價：待定
R 11採用11.6吋屏幕，備有360度轉軸，將屏幕扭轉都得。

變形筆電篇：Switch 10 E 易插設計

筆電向來係Acer嘅重點產品，其成名作Aspire系列今次進行大革新，其中10.1吋Switch 10 E大玩分拆變形，可將屏幕同鍵盤部分以不同方式裝嵌。最抵讚係改用Snap Hinge 2設計，透過磁力扣緊組件之餘，還於鍵盤位置新增一條橫軸，插入平板時更易對位。而鍵盤支援Switch Lock技術，可將平板、鍵盤組件預先配對，就算插入其他機都讀取唔到鍵盤內嘅硬碟資料，私隱更有保障。另提供黑、白、桃紅、粉紅、紫、淺藍6色選擇，用色相當年輕！

另一新機R 11則用上11.6吋屏幕，最大賣點係備有360度轉軸，將機身水平擺放或A字直立都冇問題；加上支援BluelightShield技術，廠方表示能有效減少屏幕釋出嘅有害藍光。同場仲有其他Aspire機款，以玩色為主，入門級ES系列提供11.6吋至17.3吋型號，除了黑、白兩色，更引入紅色版本，配合機身獨特花紋，都幾襟睇。

Acer執行長陳俊聖（Jason）到場，講解新機及未來動向。

現場花絮<br>為咗畀大家體驗Precision Plus技術，現場擺放咗大量鉛筆。

現場花絮
為咗畀大家體驗Precision Plus技術，現場擺放咗大量鉛筆。

大會邀請超過500名全球各地的傳媒到場，人頭湧湧。

平板電腦篇：Iconia系列鉛筆畫圖

平板電腦系列亦全面更新，主打Iconia One 8（B1-820）及Iconia Tab 10（A3-A30）型號，兩機分別備有8吋及10吋屏幕，採用Intel Atom四核心處理器及Android 5.0系統。最大賣點是兩機都支援Precision Plus技術，令屏幕觸控更加精準之餘，仲可以用一般鉛筆或者任何2mm筆頭當作手寫筆，隨時畫圖做筆記都掂。

Aspire ES系列走入門路線，提供搶眼嘅紅色。

Switch 10 E備有多種配色，全部都勁搶眼，表面仲加入凹凸紋。

採用Snap Hinge 2設計，鍵盤部分多咗一條橫軸。

現場擺放咗一堆鉛筆供試畫，小記發現新機感應靈敏，筆觸流暢。當中Iconia Tab 10（A3-A30）定位為教學用途，因此屏幕特別用上耐刮嘅Gorilla Glass 4物料，機背則加入礦物及防滑表面。而Iconia One 8（B1-820）機背印上格仔暗紋，仲有成10隻配色，可以襯番同一色系嘅機套添！

Iconia One 8（B1-820）備有8吋IPS屏幕，提供多種顏色選擇。

Iconia Tab 10（A3-A30）搭載10吋全高清屏幕，配以Gorilla Glass 4強化玻璃。

Iconia Tab 10（A3-A30）搭載10吋全高清屏幕，配以Gorilla Glass 4強化玻璃。

小記即場試用鉛筆畫畫寫字，筆觸準確，相當實用。

手機手帶篇：Leap Fit 感應壓力

今次發布會全程由Acer執行長陳俊聖主持，獲得最熱烈反應嘅環節，一定係智能手帶登場。廠商一口氣推出3款Liquid系列手帶，分別是Leap Fit、Leap Curve及Leap Active。Leap Fit備有1吋屏幕，支援防水及換帶功能，其背面除咗有心跳感應器外，仲加入壓力感應器，藉着兩片金屬感應片分析用家嘅緊張程度，啱晒壓力爆燈嘅城市人使用。而Leap Curve功能與Leap Fit接近，卻換上弧形觸控屏幕，佩戴時緊貼手腕。Leap Active功能較入門，不設心跳等感應器，但仍可量度運動時間等資料，並提供訊息、手機音樂控制等功能。

長按Recent App鍵就會彈出小工具，可以多工睇日曆、開啟瀏覽器等。

Liquid M220屬入門Windows Phone，設計頗為大路。

Liquid X2支援三卡三待，還備有專用Flip Cover，設有長形透明窗。

Liquid X2支援三卡三待，還備有專用Flip Cover，設有長形透明窗。

手機方面有Liquid M220及Liquid X2，前者屬入門Windows Phone，4吋芒、500萬像素鏡頭較為大路，特別於機背玩仿絲綢花紋；後者搭載1,300萬像素鏡頭、八核心處理器、4,000mAh電池，並支援三卡三待功能，要留意是廠方會為新機推出專用Flip Cover，機套表面有一個垂直長形嘅透明窗，可顯示基本資料之外，亦可以開啟音樂、電筒、拍攝功能甚至接聽電話等，值得期待。