Apple Watch波蘭實測 溝通搵路冇難度

揚手顯示時間

Apple Watch只要跟已升級iOS 8.3的iPhone配對便可使用，iPhone會自動將手機內支援Apple Watch嘅程式安裝到手錶內，基本由安裝程式、增減聯絡人、調整擺位等，都可由手機操作。還可自訂提示音量、收取通知的觸感強度等，小記覺得最好玩係可選擇不同錶面設計，以及自訂顯示訊息，只要一揚手即可令手錶顯示時間畫面。

用iPhone數據

小記今次去波蘭測試，旅遊應用程式係必試一環，想用到搜尋功能，iPhone首先要喺當地上到網，好在波蘭嘅Data SIM幾平，1GB數據都只係廿幾港元。Apple Watch基本已有天氣同地圖功能，想要縮放地圖便要點選程式再配合數碼錶冠使用。此外，旅遊時嘅Call車救星《Uber》，在iPhone會顯示到附近可預約車輛嘅坐標及距離時間，但Apple Watch只顯示到時間。

為Apple Watch安裝應用程式一定要靠iPhone進行。	手錶左側設有喇叭及收音咪，直接對話及玩Siri都得。	可利用《TripAdvisor》搵景點，圖中所見是華沙地標文化科學宮。

對應旅遊程式

不少旅遊人士都會用到《TripAdvisor》程式，它亦有Apple Watch版，可搵到附近景點、餐廳、酒店等，基本能搜尋1公里內嘅景點。如想從受歡迎程度或自訂搜尋選項，只需在錶面以Force Touch稍稍用力按下即可，雖然資料較為精簡，但都算使用方便。

《講話和翻譯》支援多種語言包括波蘭語，只要對住手錶講話即可翻譯。	以《Yelp》即時搜索附近的食肆及酒吧，用落都幾方便。	Apple Watch版 iPhone版和Apple Watch（圖）版的《Uber》介面大有分別，後者只顯示最近車輛的距離時間。

小記還試過用《Yelp》搵餐廳酒吧，再以《Expedia》管理酒店預訂等；而去到波蘭等外國地方想溝通得到，可購買Apple Watch版《講話和翻譯》程式，只需對住手錶左邊嘅收音咪講話，它便會即時翻譯成當地語文，雖然售價要HK$78，但實用性幾高。至於好多人關心嘅電量表現，小記戴足一天後，實際大概玩咗兩小時，發覺約用咗20%電量。

撰文、攝影：布偉倫

網址：www.apple.com/hk