唉愛情真係麻煩。
我有個朋友同我講，佢老公出面有第二個。朋友自知咁搞法冇好結果，於是諗住同個賤男一刀兩斷搞離婚，點知個賤男喊住同我朋友講：「信我啦，遲吓等個女仔情緒穩定番啲，我就會同佢講分手o架喇……我淨係愛你一個。」
我朋友本來去意已決，但聽到呢位賤男嘅剖白之後，又再度心軟，諗住繼續呢段像霧又像渣嘅苦戀婚姻。
我問朋友：「佢有冇話實幾時同個女仔分手？」朋友話：「冇，佢淨係話遲吓……」我話：「咁你都信？」佢話：「佢講得好誠懇……」我張大了我的嘴，然後聽到她補充：「今次唔係第一次喇，佢次次都話真係會同個女仔分手，講咗好多年喇……」我的嘴角快要裂開。
我知道，我的朋友並不孤獨，因為跟她一樣天真的悲劇人物大有人在。
這些賤男永遠都是那道板斧：「遲吓我就會同佢分手」、「遲吓我就會同佢離婚」、「遲吓我就會同你結婚」，總括而言，就是拖字訣。
假如少女初踏情場，入世未深，被賤男花言巧語弄至頭昏腦脹，相信其鬼話還是有可能的。但如你都幾十歲人，就唔好咁多幻想，一次賤男，一世賤男，切割吧！
愛住先，只是一句口號，不代表他真正會改，你要堅決否決他，逼他露出本來真面目，他就會彈出來說：一定要愛。然而，愛唔愛無人幫你決定，你真係愛，先好愛。而我的建議是，分手罷啦，信唔過呀佢。
網址：www.facebook.com/linrixi