STREET FOOD立食新Choice

三色芝味薯仔

薯仔，平時可謂毫不起眼，西餐中也多只是配菜角色，中餐亦常淪為配角，難得兩位80後型仔廚師Pan和Chris將其變成主角，創立以薯仔為主打的小食店「叁薯」。

為提升薯仔味道，兩人特別調配多款芝士醬和酸忌廉，融入菜式中。「壹薯」的焗薯，就選用軟腍的美國薯仔，淋上Mozzarella和車打芝士焗製，最後再淋上卡夫芝士醬，拌上酸忌廉和香葱，多重滋味在口腔交織在一起。至於「貳薯」的香煎鴨肉餅就加入了西環燒臘店的燒鴨肉和酸忌廉，油分令薯絲更惹味。「叁薯」薯片則用上本土薯仔、紫番薯、番薯，拌洋葱絲炒勻，灑點紅椒粉同吃，辛香惹味。

貳薯 $28 薯仔刨成一絲絲，混合西環老字號的燒鴨肉，油分十足，增添薯絲的甘香油潤，味道更恰好不過鹹。	叁薯 $28 有薯仔、番薯以及紫番薯3款薯片，炸到脆卜卜後加入洋葱絲炒勻，一口咬下盡是「索索聲」。	凱撒雞翼 $25 雞翼用焗爐烤製，雞皮脆卜卜，肉汁豐盈，鬼馬地配凱撒沙律醬，酸咪咪加上脆脆的麵包碎和帕爾馬芝士，鹹鮮惹味。

特色美食變奏

小店除了薯仔「叁」食外，還有多款特色小食供應，例如中式的炸饅頭，用上意大利芝士忌廉拌饅頭，加入楓蜜糖漿和Honey Crumbs，亦可以選野草莓或可可口味，成功將鹹點演變成甜品，巧妙地融合中西飲食文化，演變出獨一無二的味道。

（左起）Pan和Chris認為薯仔可塑性強，用它做主角，炮製出各式各樣的特色薯仔小食。	鹽酥雞 $15/細、$30/大 堅持用啖啖肉雞胸部位，以10多種調味料醃製，再以橄欖油酥炸，最後加入新鮮金不換，清香減膩。	筒仔米糕 $35 傳統的客家做法，先把糯米與肉碎和紅葱頭炒勻，砌成筒狀，淋上由蒜蓉、醬油膏製成的醬汁，按喜好加入秘製甜辣醬，佐酸青瓜更可解膩。

店主讓大家知道，雞翼不一定與豉油瑞士汁畫上等號，配凱撒沙律醬亦可以很美味。的確，酸咪咪的醬汁，灑上Parmesan芝士、麵包碎後，與烘烤得脆卜卜的雞翼原來很對味。

嘉義雞肉飯 $32 雞腿肉煮熟後拆絲，淋上鮮味濃郁的雞汁，配上軟糯的米飯，以及醒胃的紅葱頭和青瓜片，不油不膩，甘香軟熟。	大腸包小腸 $32 Eileen認為黑橋牌肉腸腸衣薄，肉味濃郁，用糯米包着肉腸，灑上酸菜和菜脯，又脆又軟，口感豐富。	Eileen自小跟外婆學習廚藝，今次來港決定將台灣美食發揚光大。

叁薯

地址： 旺角水渠道30號地下5號舖

查詢電話：9852 1600

四時風味醬料

新派薯仔夠吸引，台式夜市小食如鹽酥雞、滷肉飯等亦大有捧場客，早前在荃灣開業的Formosa，就以可以嘗到正宗台式小食作招徠，由來自花蓮的Eileen所主理。她自幼跟外婆學習廚藝，練得一身好本領，小店中所有醬料更由她親自調製，質感較台灣的來得清淡。筒仔米糕的醬汁以醬油膏和蒜蓉慢慢煮成，鹹甜剛好，加上由番茄和辣椒混成的甜辣醬，為清淡的糯米添上鹹甜辛香滋味。小店更提供蒜香醬、芥辣醬等多款醬汁，大家大可按自己口味來加添。Eileen還說醬汁會隨着季節改變，如冬天會用味道較濃重的醬油、辣醬，而夏天則會換上清新的蘇梅醬、荷蘭醬等作搭配。

欖油酥炸更健康

小店招牌之一的鹽酥雞，特別選用啖啖肉的雞胸，用蒜粉、米酒、蠔油等醃至入味，Eileen說台灣人喜歡拌入九層塔與雞塊同炸，她稍稍改良用新鮮不經油炸的金不換，並灑上蒜粒，拌脆卜卜的雞塊，清鮮惹味！

Eileen更特意選用意大利橄欖油來炮製炸物，每兩天換一次，成本雖高，卻讓人食得更健康放心，而且大部分炸物如蟹鉗、魚蛋、鳳尾蝦春卷等，都炸得鬆脆酥香。炸物以外，寶島人氣小食如大腸包小腸、滷肉飯、嘉義雞肉飯等傳統美食均有供應，還有創意獨特的棉花奶茶，香滑奶茶配搭七彩顏色的棉花糖，味道一般卻賣相誘人。

Formosa

地址：荃灣大河道97號天保大樓地舖

查詢電話：3568 4456

撰文：鄭珮琪

攝影：郭凱敏、盧展程