A-Series數碼背套裝豪拍中片幅

唔少人好似發哥咁鍾意拎部相機影湖光山色，甚至將風景相印出來收藏，假如各位都係呢類優皮一族，Phase One全新A-Series套裝相信是你杯茶，套裝包括A-Series中片幅數碼背、Alpa機身及35mm F4鏡頭，雖然售價要三十幾萬元起，但絕對能幫各位拍出大師級作品。
售價：$438,000（A280數碼背套裝）、$384,000（A260數碼背套裝）、$376,000（A250數碼背套裝）
售價：$438,000（A280數碼背套裝）、$384,000（A260數碼背套裝）、$376,000（A250數碼背套裝）

3款數碼背選擇

A-Series數碼背提供A280（8,000萬像素CCD）、A260（6,000萬像素CCD）和A250（5,000萬像素CMOS）3個款式選擇，用家可按需要入手，三者同樣備有輕觸式屏幕，以便篤芒調校拍攝設定。至於不設反光鏡的Alpa機身，用上花梨木手柄配皮革手帶，手感一流；而35mm F4鏡頭採用獨有的金圈設計，備有光圈環、對焦環、鏡間快門等手動操控。

手機App實時取景

現時幾乎每部相機都引入Wi-Fi功能，連A-Series都唔例外，用家只要下載《Capture Pilot》iOS手機App便能實時取景，配合附有的Capture Pilot 1.8手機夾，更可將手機夾到相機頂部；惟長開Wi-Fi都幾食電，唔建議長時間使用。套裝另跟一個大型器材箱及皮革製背包，外攜拍攝時便能妥善保護器材。

套裝由A-Series中片幅數碼背、Alpa機身及35mm F4鏡頭組成。
  • 套裝由A-Series中片幅數碼背、Alpa機身及35mm F4鏡頭組成。
透過《Capture Pilot》App可實時取景，並可將手機夾於機頂。
  • 透過《Capture Pilot》App可實時取景，並可將手機夾於機頂。
背面採用觸控式屏幕，反應拍得住手機，選擇設定快捷又妥當。
  • 背面採用觸控式屏幕，反應拍得住手機，選擇設定快捷又妥當。
Alpa機身的手柄以天然花梨木打造，配以皮革手帶，用料奢華。
  • Alpa機身的手柄以天然花梨木打造，配以皮革手帶，用料奢華。

撰文：黎子豪

攝影：陳世昌

查詢電話：2722 1265