彎芒鬥曲邊機王韓戰

G Flex 2火紅屈機

G Flex 2年頭先喺美國CES現身，改用LG旗艦手機G3嘅設計，窄邊框、背鍵統統有齊，而且仲新增搶眼到爆嘅火紅色。機Gor試玩時起勢刮佢個機背，皆因它支援自我修復功能，以鎖匙、硬幣等喪刮都冇問題！新機早前抵港開賣，見網友用家以好評居多，就算贏唔到銷量都贏咗口碑。

Galaxy S6 edge旗艦新作

Samsung嘅Galaxy S旗艦系列，唔經唔覺已嚟到第6代，同期備有Galaxy S6及兄弟作S6 edge，後者大玩雙曲邊誘人。事實上，Samsung玩曲芒手機已有幾年，前年有水貨GALAXY Round，上年有曲邊嘅Note Edge。S6 edge今個月初推出時有鋪天蓋地嘅宣傳，機Gor拎住佢行街都吸引咗唔少人目光。

機背採用自我修復功能的物料，一般刮痕可於短時間消失。	電量剩餘5%時，以原裝1.8A火牛充電，大概90分鐘就能充回100%。	Galaxy S6 edge 售價：$6,598（32GB）、$7,498（64GB）（b）

第1回合：鬥曲芒功能

兩機嘅曲芒玩法截然不同，G Flex 2以由上而下的5.5吋彎曲屏幕設計，廠商表示傾電話時會更貼面，擺落褲袋仲同Pat Pat嘅曲線襯到絕，只係今代改用超硬玻璃屏幕，冇上代咁屈得！而Galaxy S6 edge嘅5.1吋屏幕左右兩邊向下彎，熄芒待機時只要喺曲邊側屏捽兩捽，便能顯示時間、通知、新聞等資訊，仲有全新嘅People Edge功能，可以喺曲邊加入5位常用聯絡人，以便極速打電話和傳短訊，玩法較多。

支援Quick Charge功能，電量剩餘5%時以原裝2A火牛充電，約80分鐘充滿。	改用SIM卡槽設計，需要用卡針方可更換SIM卡。	第1回合 備有全新Glance View，熄芒時由上而下一掃即可顯示時間、訊息等資料。

第2回合：鬥睇片效果

有兩部韓國機王喺手，當然唔少得用嚟煲劇，G Flex 2由上代720p升級至1,080p畫質，加上5.5吋屏幕的半徑曲線弧度達650mm，猶如帶住部曲面電視出街，睇片包圍感明顯增加。而S6 edge 5.1吋屏幕高達2,560×1,440解像度，加上招牌Super AMOLED面板，對比度和亮度超高，可惜側屏睇片時極易反到燈光。此外，機Gor要彈嘅係兩機均採用單喇叭設計，音量輸出只屬一般，建議出街睇片都係戴耳機啦！

G Flex 2微微曲起，據廠商表示可令咪高峰更貼面，減少通話時的雜音。	Galaxy S6 edge Win 新增People Edge可將5位常用聯絡人變成快捷圖示，方便隨時致電對方。	屏幕關閉時，於邊位掃兩掃即會顯示資訊欄。

第3回合：鬥影相質素

依家手機某程度已身兼相機功能，掟上面書、Instagram嘅相片一定要夠靚。G Flex 2同S6 edge分別用上1,300萬像素及1,600萬像素鏡頭，前者備有雷射自動對焦功能，後者配備F1.9大光圈，加上兩機均支援OIS光學防手震技術，手持影人和夜拍夠穩定。機Gor搵嚟靚女Model試拍，發覺兩機都設有快速啟動相機嘅Shortcut，G Flex 2長按「音量－」兩秒就影得相，S6 edge連按兩下Home鍵就得，而且對焦速度同樣爽快。不過相片風格有啲唔同，G Flex 2人像膚色柔和，皮膚睇落較為白皙；而S6 edge成像對比度高，令到人面輪廓較深。

第2回合：Draw 試播少女時代《Catch Me If You Can》，G Flex 2嘅1,080p屏幕明顯有較強嘅包圍感，色彩亮麗。	以S6 edge試播EXO《Call Me Baby》，雖然2K畫面細緻，對比度高，但側屏令邊位有少少反光。	第3回合：Draw G Flex 2拍攝介面簡便易操控，相對冇咁多花巧拍攝功能。

達人教路：三禾電氣店長、日韓手機專家Simon：「芒貼配件唔易搵。」

「根據之前Note Edge及G Flex嘅經驗，相信S6 edge同埋G Flex 2兩款新機嘅配件都唔易搵，現時用家都要買番原廠出品。值得留意嘅係芒貼，因為兩機屏幕都有彎曲部分，所以芒貼要用一些特別有黏力和拉力，否則好易甩出嚟，好在日本今個月尾都會正式開賣新機，到時相關配件可能會多番啲！」

試相：整體成像較Soft，膚色睇落白滑好多。	S6 edge支援後製功能，可為人像美肌、變大眼，女士必Buy。	試相：相片對比度較高，畫質銳利，人面輪廓較明顯。

機Gor Report：擴充性好重要

論話題性，S6 edge確實稍勝一籌，不過雙曲邊側屏睇落有型，但對睇片嘅幫助不大，實用性只屬一般。而G Flex 2嘅曲芒亦只係繼承上代設計，Sell噱頭居多。機Gor反而擔心擴充性，皆因S6 edge係首部唔可以換電、插記憶卡嘅Galaxy S系列機王；而G Flex 2亦不能換電，但可插microSD卡，傳相過歌較靈活。

Profile

機Gor

機不離身，不信Spec只信測試，不扮高深，懶理低俗，貪新不忘舊。

G Flex 2規格表

制式︰GSM、WCDMA、LTE-A　

處理器︰Snapdragon 810 2GHz八核心　

記憶體︰2GB RAM、32GB ROM、支援microSD

屏幕︰5.5吋P-OLED（1,920×1,080解像度）

鏡頭︰（前置）210萬像素、（後置）1,300萬像素

對外連接︰802.11ac、藍芽4.1、microUSB、NFC

電池容量︰3,000mAh

作業系統︰Android 5.0　

體積︰149.1×75.3×7.1~9.4mm　

重量︰152g

Galaxy S6 edge規格表

制式：GSM、WCDMA、LTE Cat 6

處理器：2.1GHz四核心＋1.5GHz四核心

記憶體：3GB RAM、32GB/64GB ROM

屏幕：5.1吋Super AMOLED（2,560×1,440解像度）

鏡頭：（前置）500萬像素、（後置）1,600萬像素

對外連接：802.11 ac、藍芽4.1、microUSB、NFC

電池容量：2,600mAh

作業系統：Android 5.0

體積：142.1×70.1×7.0mm

重量：132g

撰文：機Gor　

查詢電話：（a）3543 7777、（b）3698 4698