《復仇者聯盟2：奧創紀元》即將上映，今集戲碼除了Ultron等新角色外，玲瓏浮凸嘅黑寡婦（Black Widow）亦是男影迷焦點所在。事先張揚會出齊所有角色嘅Hot Toys，當然不會放過呢位惹火尤物啦！
一如舊版，新作素體按照1:6真人比例只有28cm高，豐胸、翹臀和幼臂擁有極高像真度，為配合戲中造型，廠方重新製作其藍色緊身衣，剪裁稱身之餘，還細緻地印上藍色滴膠線條，藉此模仿發光效果。
頭雕由Yulli及JC. Hong這金牌組合主理，雖然神似度不算歷年最出色，但新版Black Widow表情堅定，雙眼剛中帶柔，予人另一種感覺。頭髮則採用纖維仿真髮，並混合深淺不一的紅棕色彎曲植髮，在燈光照射下呈現不同的紅色反射效果，層次感豐富。
配件方面，新作換上大型護腕，預計電影中會內藏機關，另備有一對放電嘅特效組件，可套入護腕位置，劇透Black Widow將有新絕招迎敵！其他武器包括兩把異形步槍和一對電擊棒，數量唔算多。
查詢電話︰3722 3988
撰文：陳志滔