PS4大作《Bloodborne》推出後，好多玩家試玩完的感覺都是「非常難玩」！當然從正面睇，「難玩」對玩家來說都好有挑戰性，再加上遊戲中所營造的黑暗陰沉格局跟精緻的哥德式建築都非常有吸引力，趁復活節假期煲都絕對值得！
有追開FromSoftware前作《Dark Souls》系列，都明白開發小組向來鍾意為難玩家。《Bloodborne》場景設定在被詛咒的城市─山區古城「雅南」，玩家就是扮演遠道而來求醫的外國冒險者。一出場玩家就被惡狼擊暈進入「獵人夢境」搜尋道具及裝備，以及熟習遊戲的戰鬥系統。戰鬥系統最特別之處是可以按「L1」鍵為武器變形，提供唔少變化。不過長武器覆蓋面雖大，死位亦有唔少；至於武器配搭就視乎個人喜好。《Bloodborne》着重攻擊，不設盾牌作為第一道防禦線，除非不斷逃走，否則一定要埋身開戰。
遊戲中探索內容所提供的提示相當少，好多時都會行了不少冤枉路，而且玩家普遍都認為遊戲Loading時間太長。但話說回來，這款難度甚高的動作角色扮演新作在畫面、操作以至音效都有好高水準，尤其在一片沉靜中突然播出怪物來襲的音效，半夜熄晒燈一個人玩都真係有啲驚！
類型：動作角色扮演
開發：FromSoftware
平台：PS4
售價：$398
查詢電話：2341 2356
撰文：布偉倫