今日介紹一位收費寫真界嘅寵兒，佢嘅名字叫做嘉寶貝兒，四個中文字嘅名稱，怪就怪啲！但喺網上寫真界，佢嘅名字冇人唔識得，因為單一個寫真網就搵佢影咗十一輯嘅寫真，仲未計其他網站，你話佢有幾咁受歡迎！
嚟自湖南長沙嘅嘉寶貝兒，真名叫乜冇人知道，因為自三年前出道開始，佢就叫自己做嘉寶貝兒，有人以為係佢嘅英文名，但佢真正嘅英文名字係叫做Vetiver，所以又同英文名無關，至於點解會改個咁嘅藝名？相信只有佢自己至知道。由於佢嘅樣子好似台灣影星徐若瑄，所以出道冇耐就被網友封佢為「小徐若瑄」，甚至有人叫佢做「長沙徐若瑄」，佢嘅五官有啲角度的確係好似，但一轉咗其他角度就會變番自己嘅樣。單論樣子，絕對稱得上係靚女，加上阿女嘅身材十分出眾，上圍就有35吋，又圓又挺，加上小蠻腰同巨股，稍稍性感已經叫人讚嘆不已，所以出道以來一直順風順水，工作不斷，自從2013年開始就替收費網站拍攝性感寫真，一共拍攝咗十一輯！
由於呢啲寫真網站，係要收費至有相睇，所以囡囡有冇機會再拍，就要睇觀眾嘅反應，嘉寶貝兒可以拍完一輯又一輯，可見佢幾咁受網友嘅歡迎，唔信大家可以登入佢嘅官方微博，粉絲人數已經超十二萬，比一啲明星歌星仲要人氣爆燈，嘉寶貝兒人氣咁盛，搵佢拍攝寫真嘅網站同雜誌社真係要排住嚟求佢，點樣要求佢？因為人哋太忙囉！近年嘉寶貝兒除咗拍寫真外，仲接唔少展館騷嚟做，一時做代言人，一時做騷女郎，所以無論車展、電子產品展，甚至動漫展同埋電玩展，大家都不難見到佢嘅身影，而只要佢一出席，就會有大批龍友同粉絲出現，由於當時得令，加上阿女做人低調，肯學肯拚，而且本錢十足，實力過人，所以嚟緊幾年要數性感偶像，絕對係佢嘅世界！
簡介：嘉寶貝兒對自己嘅官方微博打理得十分出色，各類照片同生活分享都更新得好快，照片當然精彩，性感照不斷，難怪吸引到十幾萬人嚟關注啦！
網址：http://weibo.com/u/3195736930
出生地：湖南長沙
三圍：35-23-35
身高：165cm
撰文：龍四海