金屬雙色One M9特效幻「影」

電影界入面，續集通常會比首集遜色，然而手機界卻截然不同，以HTC One系列為例，當年廠商靠首作M7重拾人氣，至續作M8大賣，來到剛發布的第三代M9依然有驚喜。新機大玩金屬雙色設計，並換上UltraPixel前置鏡頭及2,000萬像素後置鏡頭，影人影景都掂，加上軟硬件齊齊升級，絕對係換機之選。

M9鏡頭加入咗咁多特效，擺上網肯定勁多人Like！<BR>售價：$5,998（2015年4月推出）

M9鏡頭加入咗咁多特效，擺上網肯定勁多人Like！
售價：$5,998（2015年4月推出）

雙色凸顯高貴

HTC One旗艦系列向來以金屬打造，來到新一代M9自然繼承優良傳統，用上鋁合金一體成形設計，機背備有細緻的髮絲紋，減低跣手機會。特別之處是加入雙色處理，以較受歡迎嘅金銀色為例，機背用上銀色配搭機邊的玫瑰金色，配以拋光效果凸顯高貴質感。可惜新機的整體設計與上代有九成相似，5吋屏幕、圓角弧底等特徵幾乎一樣，新鮮感欠奉。值得一提是BoomSound前置喇叭支援Dolby Audio音效，插入耳機時都用到相關技術，聽歌睇片啱用。

鏡頭畫質提升

鏡頭技術向來係HTC嘅必殺技，上代M8玩雙後鏡加UltraPixel拍攝，雖然新機冇雙後鏡設計，但改玩2,000萬像素高畫質及4K拍片功能，仲加入藍寶石水晶鏡片，冇咁易刮花。小記試拍後覺得對焦夠快之餘曝光準確，而且色彩忠於實物，雜訊控制得唔錯。單靠相片質素當然唔夠，今次仲加入大量後製功能，除咗相框、美化、換臉、魔法特效等舊有玩法，仲支援「雙重曝光」將兩幅相重疊，而「幻影萬花筒」可以喺相片加上萬花筒嘅旋轉及幻彩特效，夠晒好玩。至於前置UltraPixel鏡頭都有400萬像素，比一般手機強得多，以後喺昏暗環境都影到Selfie靚相。

採用5吋1,920×1,080解像度屏幕，還備有前置UltraPixel鏡頭。

M8（左）及M9（右）設計超似，拍埋都難以分辨。

可外插記憶卡，支援最大2TB microSD。

雙頻4G機王

貴為新一代機王，規格當然要有番咁上下，搭載Qualcomm Snapdragon 810八核心處理器及3GB RAM，可外加microSD卡擴充容量；還同時兼容多頻FDD-LTE及TD-LTE，身處中港兩地都可極速4G上網。軟件方面，新機用上Android 5.0作業系統及全新Sense 7介面，除了內置BlinkFeed主頁，還新增不少功能，如Sense Home Widget會根據用家身處嘅位置，分析用家於該處常用嘅Apps；HTC Themes喺用家揀相之後，系統會以相片相關顏色製訂主題，令介面更個人化。

機側用上玫瑰金色，配合銀色機背大玩雙色調。	支援Dolby Audio技術，配合附送的入耳式耳機，音色不俗。	配件睇真啲原廠推出M9專用的 Active Case及Active Earphones，支援防水防塵標準。（所有配件將於稍後時間推出，售價待定。）
依舊提供Dot View機套，點陣式設計可透出預設圖案，更可以走馬燈形式顯示文字。	備有一系列特色機套，背面大玩中空花紋。